चितवन । नेपालका लागि वुलिङको आधिकारिक आयातकर्ता एवं वितरक पारामाउन्ट्स प्रालिले वुलिङ बिंगुओ ईभी गाडी भित्र्याएको छ। आइतबार एक कार्यक्रमकाबीच नयाँ मोडलको यो गाडी सार्वजनिक गरिएको हो ।
नेपालमा अत्यधुनिक प्रविधि एवं पर्यावरणमैत्री विद्युतीय सवारी क्षेत्रमा यस कारले नयाँ आयाम थप्ने पारामाउन्टस कम्पनीले जनाएको छ । कम्पनीका अनुसार यसमा ३१.९ किलोवाटको लिथियम–आयन फस्फेट ब्याट्री जडान गरिएको र एक पटक चार्ज गरेपछि ३३३ किलोमिटरसम्म सहज एवं आरामदायी यात्रा गराउनेछ ।
गाडीमा ७९० लिटर क्षमताको बुट स्पेस भएको बुलिङ ईभी छोटो तथा लामो दूरीको यात्राको लागि उत्कृष्ट ढंगले डिजाइन गरिएको छ ।
यो गाडीको शुरुआती मूल्य ३१ लाख ९९ हजार रहेको छ। यो गाडी मिल्क टी, ग्यालेक्सी ब्लू र मूस ग्रीन गरि तीनवटा रंगमा उपलब्ध छ।

चितवनमा सार्वजनिक भएसंँगै यो गाडी बुकिङ्ग र विक्री सुरु भैरहेको वुलिङ्ग बिंगुओका चितवनको लागि आधिकारीक वितरक रेयन मोटर्स रहेको निर्देशक बिमल पौडेलले जानकारी दिए ।
रेयन मोटर्स ले फोर्स मोटर्सका कमर्सियल गाडी चितवनमा विक्री वितरण गर्दै आएको छ भने पछिल्लो समयमा बजारमा नीजि इभी कारको पनि अत्यधिक माग भएपछि बुलिङ्ग बिंगुओ गाडीको बिक्री शुरु गरिएकोे निर्देशक पौडेलको भनाई छ । यो गाडी इन्डोनेसिया, चाईना, लगायत अन्य देशमा सफल भईसकेकाले नेपालका पनि बिक्री शुरु गरिएको कम्पनीले जनाएको छ । गाडी सार्वजनिक भएसंँगै र ग्राहकको बढ्दो रुचिसंँगै यो गाडीको बिक्री बढ्ने पारामाउन्ट मोटर्सका डिलर इञ्चार्ज बिपुल भट्टराईले बताए ।
‘वुलिङ्ग बिंगुओ सेग्मेन्टमा निकै सफल यो मोडलको गाडी खोज्नेहरुको बीचमा यसको राम्रै चर्चा रहेको छ ।’ भट्टराइले भने, यसको चर्चा बढ्नुमा यसमा रहेको रेन्ज,ब्याट्री,मोटर गाडीको आकर्षक लुक्स पनि हो ।’बिगुओमा १६५ एमएमको ग्राउन्ड क्लियरेन्से छ । यसको नयांँ प्रविधिमा आधारितको शुरुवाती मूल्य ३२ लाख ९९हजार रहेकोमा हाल दशै अफरको रुपमा २९लाख ९९हजारमा बिक्री गरिने कम्पनीले जनाएको छ । े यो कार चालक र यात्रु सहजताको लागि अन्य धेरै विशेषताहरू रहेको निर्देशक पौडेलको भनाई छ ।

‘सुरक्षाको हिसाबले हेर्दा कम्पनीले यो बिंगुओमा डुअल एयर ब्याग, इबीडीसहितको एबीएस, रियर पार्किङ सेन्सर, रियर पार्किङ क्यामेरा, सिट बेल्ट रिमाइन्डर जस्ता विशेषताहरू समावेश गरिएको छ ।’ पौडेलले भने ।