चितवन । भरतपुर महानगरपालिका वडा नम्बर ८ स्थित लाली गुरांँस चोकमा रहेको ट्रिसा द जुम्बा स्टुडियोमा आउंँदो भदौ १गते देखि अभ्यास कक्षा शुरु हुने भएको छ ।

स्थानीयलाई सहजरुपमा प्रशिक्षण दिने उद्धेश्य सहित दक्ष प्रशिक्षकद्धारा बिहानदेखि बेलुका सम्म कक्षा शुरु गर्न लागिएको हो ।
जुम्बाको बुधबार औपचारिक रुपमा चितवनका व्युटिसिएन कल्पना गुरुङले उद्धघाटन गर्नुभएको थियो । स्टुडियोले चितवन जिल्लाभित्र जिम र हेल्थमा लामो समयदेखि काम गर्दै अनुभव प्राप्त प्रशिक्षक एवम् विज्ञहरुद्धारा अभ्यास कक्षा सञ्चालन गरिएको जुम्बाकी सञ्चालिका सरिता सुवेदीले जानकारी दिनुभयो ।
स्वास्थ्यकर आहार विहार, शारीरिक तन्दुस्तताको लागि नियमित व्यायामका साथै व्यस्त जीवनशैलीलाई सहजता बनाउने हेतुका साथ “स्टे फिट, स्टे हेल्दी” भन्ने मूल उद्देश्यका साथ त्रिशा “द जुम्बा स्टुडियो” बुधबारबाट सञ्चालनमा आउने उहांँले बताउनु भयो ।
स्टुडियोबाट प्राप्त सेवाहरु र स्वास्थ्य जीवनयापनका लागि आवश्यक स्वास्थ्य टिप्स लगायतका विषयमा विज्ञहरुद्वारा प्रशिक्षण गराईनेछ ।

एकै थलोबाट संगीतका माध्यमबाट मिनी जिमको व्यवस्था सहित जुम्बा क्लास, हेल्थ टिप्स, थेउरी क्लासको सेवा सहित नियमित योजना, विद्यार्थी लक्षित योजना र विभिन्न व्यक्तिहरुको व्यस्त समयलाई मध्यनजर गर्दै विदाको समय समेत प्रयोग गर्न मिल्ने अवसर योजना सहितका विभिन्न प्याकेजहरुको सेवा सञ्चालन गरिने लक्ष्य लिइएको सुबेदीको भनाई छ । बिहान ४ः३० बजेबाट सेवा शुरु हुने स्टुडियो मार्फत नृत्य कक्षाहरुको समेत सञ्चालन हुँनेछन । आफ्नो शरीरलाई तन्दुरुस्त र स्वस्थ राख्न उहांँले समयमै आफ्नो सिट सुरक्षित राख्न समेत आग्रह गर्नुभयो ।