चितवन । अक्सफोर्ड कलेज अफ इञ्जिनियरिङ्ग एण्ड मेनेजमेण्ट,गैंडाकोटले रजत बर्षको अवसरमा अक्सफोर्ड मेला २०२५ आयोजना गर्ने भएको छ । देश भरिका कलेज एवं विध्याहरुबीच यही साउन २५ देखि २७ गतेसम्म् उक्त मेला गर्न लागिएको हो । मेलामा विभिन्न स्टार्टअप प्रर्दशनी गर्नुका साथै विद्यार्थी बीच प्रतिस्पर्धा गराइनेछ । देशभरका कलेजका विद्यार्थीहरुको ज्ञान आदान प्रदान गर्ने उद्धेश्य सहित देशमै यसप्रकारको मेला आयोजना गर्न लागिएको आज आयोजित पत्रकार सम्मेलनमा कलेजका प्राध्यापक डाक्टर हरि भण्डारीले जानकारी दिए ।

उनका अनुसार मेलामा कोड वार, ब्रिज मोडलिङ्ग, सर्किट डिजाइन, विजनेश पिच्र्् डिजाइन क्वीज कम्टिसिन, पब्लिक स्पिकिङ्ग प्रतिस्पर्धा , प्यानल डिस्कसन, लगायतका १३ वटा कार्यक्रमहरु समावेश गरिएको छ । विद्यार्थीलाई समाज , देश र विश्वसँग जुध्न सक्ने आत्मविश्वासी दक्ष जनशक्ति उत्पादन गर्न टेवा पुग्ने उनको भनाई छ ।

मेलामा उत्कृष्ट प्रर्दशन गर्ने विद्यार्थीलाई सम्मान तथा पुरस्कृत गरिनेछ । यसैगरी हालै दिवंगत भएका कलेजका प्रम्ुख सल्लाहाकार स्मृतिमा २० लाख ४५ हजार रुपैंया बराबरको छात्रवृत्ति योजना घोषणा गरिएको प्राडा भण्डारीले जानकारी दिए । कलेजले २०५७ सालबाट पोखरा विश्व विद्यालयबाट सम्बन्धन प्राप्त गरी अध्ययन अध्यापन गर्दै आएको छ । यहांँ मेनेज्मेन्ट, कम्प्युटर साइन्स, बिसिए, विविए, , विई, विएचएम, एमएस्सी, लगायतका कार्यक्रमहरु सञ्चालित छन ।