चितवन । चितवनमा एक अटो ग्यारेजमा आगलागी भएको छ । आज बिहान ३ बजेर ५० मिनेटमा रत्ननगरपालिका वडा नम्बर १ स्थित सौराहाचोकमा रामचन्द्र कोईरालाले सञ्चालन गरेको न्यू कालिका अटो पार्टस र कालिका मोटर पार्टर्समा आगलागी भएको हो ।
प्रहरी, स्थानीय , भरतपुर महानगरपालिका र खैरहनी नगरपालिकाको सहयोगमा ५ बजेर ५५ मिनेटमा आगो नियन्त्रणमा आएको जिल्ला प्रहरी कार्यालय चितवनले जनाएको छ ।

आगालागीबाट यामाहा कम्पनीको १२ वटा नयांँ मोटरसाइकल र २० वटा भन्दा बढी पुरानो मोटरसाइकल जलेको पुगेको कार्यालयका प्रवक्ता डिएसपी विजय पण्डितले जानकारी दिए ।
के कारणले आगलागी भयो भन्ने बिषयमा हालसम्म खुलेको छैन भने क्षतिको विवरण आउन बांँकी रहेको प्रहरीले जनाएको छ ।