चितवन । चितवन क्षेत्र नंम्बर ३ का प्रतिनिधिसभा सदस्य पदका स्वतन्त्र उम्मेद्बार जगन्नाथ पौडेलले
समाज र समृद्विको विषयमा आफू सबैको साझा भएको बताएका छन् । े गीतानगर पार्बतीपुर लगायतका स्थानमा आयोजित घरदैलो तथा कोणसभामा उनले आफू सधैं देश र पार्टीको हितको लागि काम गर्ने बताए ।

‘राजनीतिक रुपमा म काँग्रेस हुँ, अहिले बिद्रोही नेता भन्छन , म सधै देश र पार्टिको हितका लागि काम गर्ने मान्छे हुँ स्वतन्त्र छु , बिकासमा कुनै दलको थ्रेसमा पर्दिन’, उनले भने, ‘समृद्वि र समाजको विषयमा म सबैको साझा हुँ ।’उम्मेदवार पौडेलले विद्यालयल शिक्षालाई सुधार गर्दै कृषि र पर्यटनसँग जोड्नुपर्ने, युवालाई उद्यमशील बनाइ स्वदेश भित्र नै जोगाउनुपर्नेमा जोड दिए । भुमिहीन निकुन्ज भित्रको समस्या समाधान नीति निमार्णमा सुधार लगायत सडक स्तरोन्नती लगायतका योजना रहेको र पुरा गर्ने लक्ष्यमा साथ दिन आग्रह गरे ।

विकासका रुपमा बाटो, विद्युत, पुल, खानेपानीलाई मात्रै हेर्न नहुने उनको भनाइ छ । ‘जनताका आवश्यकता पूरा गर्छौं नैु उनले भने, ‘अब विकासलाई नयाँ ढंगबाट सोच्नुपर्ने समय आएको छ ।’ आफूले जनताको मन र आवश्यकतालाई बुझेको भन्दै जनमतको अपमान नगर्ने बताए । उनी स्थानिय तहको निर्बाचनमा भरतपुर महानगरको मेयर पदमा कांग्रेस बाट बागी उम्मेद्वारी दिएपछि भुईकटहर समूह भनेर ब्यापक चर्चामा रहेका थिए भने अहिले उनले चुनाब चिन्ह सुर्यमुखी फूल पाएका छन् ।