गैडाकोट । भारतको उत्कृष्ट उत्पादन ‘हेल्लो बासमती’ ब्राण्डको चामल नेपालमा बिक्री बितरण गर्न शुरु भएको छ ।
भरतपुर महानगरपालिका वडा नम्बर ८ स्थित गोन्द्राङमा रहेको मास्टर सेफ फुड इन्डष्ट्रीज प्रा.लि.ले नेपालमा बासमती चामलको आफ्नो मुख्य ब्राण्ड ‘हेलो बासमती’ लाई बजार प्रवेश गराएको हो । मंगलबार गैँडाकोटको नारायणी रिसोर्टमा एक कार्यक्रमका बीच हेलो बासमती चामलको बजार प्रवेश (लन्च) गरिएको हो ।

बासमती चामल भारतको शिव कृति एग्रो प्रालिको सहकार्यमा नेपाली बजारमा ल्याइएको हो । कार्यक्रममा बोल्दै मास्टर्स सेफ फुड प्रा.लि.का अध्यक्ष प्रभाकर पण्डितले सर्वशुलभ मूल्यमा शुद्ध बासमती चामल प्रदान गर्ने उद्देश्यले हेलो ब्राण्डको बासमती चामल बजारमा ल्याईएको बताए । उनले उपभोक्ताको स्वास्थ्यलाई नै प्रमुख ध्यानमा राखेर शुद्ध र स्तरीय चामल नेपाली बजारमा ल्याएको बताए । शिवकृती एग्रोको चामल बजारको चामल हाल उपलब्ध अन्य चामल भन्दा गुणस्तरीय र शर्वशुलभ मूल्य रहेको कम्पनीको दावी छ ।

उक्त अवसरमा बोल्दै शिवकृतिका निर्देशक रञ्जितसिंह राघवले नेपालका टप ब्राण्डका बासमती चामलमा ६० प्रतिशत पनि बासमती चामल नपाइने र बासमती चामलमा अन्य चामल मिसाइने गरेको दाबी गरे । हेलो बासमतीमा ९० प्रतिशत बासमती चामल नै रहेको उनले बताए ।

मास्टर्स सेफ फुडले नै हेलो ब्राण्डको काजु, चिउरा, किसमिसलगायतका अन्य उत्पादन समेत बजारमा ल्याएको छ । चितवनका पाँच जना ब्यवसायी मिलेर मास्टर्स सेफ फुड सञ्चालन गरेका हुन् ।