चितवन । चितवनबाट संचालित सामुदायिक रेडियो भरतपुरको ट्रान्समिटर सर्ट भएर जलेको छ । भरतपुर–४ यज्ञपुरीमा रहेको रेडियोको ट्रान्समिटर सर्ट भएर जलेपछि प्रसारण अवरुद्ध भएको हो ।
एक्कासी बुधबार बिहान ट्रान्समिटर सर्ट भएर जलेको रेडियोका अध्यक्ष नविनराज पौडेलले जानकारी दिनुभयो । ‘एक बर्ष अघिमात्रै रेडियो आफ्नै भवनमा सारिएको थियो । सो क्रममा टावर पनि नयाँ जडान गरिएको थियो । हावाहुरीका कारण गएको बैशाखमा टावर लडेर रेडियोमा १५ लाख बराबरको क्षति भएको थियो ।’ अध्यक्ष पौडेलले भन्नुभयो ।

टावरमा क्षति भएसंगै एक महिनामा रेडियो पुनःस्र्थापना गरेर संचालनमा आएको थियो।
पुनःट्रान्समिटरमा एक्कासी समस्या आएर प्रसारण रोकिएपछि समुदाय केन्द्रित सबै कार्यक्रम समेत रोकिएको छ ।‘यसबाट लाभान्वित श्रोता केही समय सुचनाबाट बञ्चित हुने भएका छन् हामी क्षमाप्रार्थी छौ ।’ पौडेलले भन्नुभयो ।