तनहुँ । तनहुँ जिल्लाको शुक्लागण्डकी न.पा ४ दुलेगौडा केन्द्रिय कार्यालय रहेको गणपति लघुवित्त वित्तिय संस्था लिं.ले आफ्नो नवौं बार्षिक उत्सवको उपलक्ष्यमा अत्यावश्यक भौतिक सामाग्री, खाद्यान्न तथा नगद वितरण गरेको छ । कास्की जिल्लाको पोखरा उ.म.न.पा ३२ लामेआहालमा अवस्थित राधाकृष्ण बृद्धआश्रममा आश्रीत बृद्धबृद्धालाई लक्षित गरी संस्थाले नगदसहित, अत्यावश्यक भौतिक सामाग्री तथा खाद्यान्न वितरण गरेको हो ।
राधाकृष्ण बृद्धआश्रम सञ्चालक समितीका अध्यक्ष विश्वराज लामिछानेको अध्यक्षता तथा वित्तिय संस्थाको प्रमुख कार्यकारी अधिकृत विष्णुप्रसाद ढकाल, नायव प्रमुख कार्यकारी अधिकृत राम प्रसाद सापकोटा, बृद्धआश्रम सञ्चालक समितिका प्रथम उपाध्यक्ष शोभामोहन पौडेल लगायतको आतिथ्यतामा सम्पन्न कार्यक्रमको उद्घाटन वित्तीय संस्थाकै प्रमुख कार्यकारी अधिकृत विष्णु प्रसाद ढकालले गर्नुभएको थियो । उद्घाटन पश्चात बोल्दै संस्थाका नायव प्रमुख कार्यकारी अधिकृत रामप्रसाद सापकोटाले दिनभर काममा ब्यस्त छोराछोरीले बिहान बेलुका खाना दिएपनि दिनभर बृद्ध बुबाआमा शहरका बन्दकोठामा बस्दा भन्दा बढी खुशी आश्रममा देखिएकाले आश्रमले निभाएको जिममेवारीकोे तारिफ गर्नुभएको थियो ।
त्यस्तै कार्यक्रमा बोल्दै संस्थाका प्रमुख कार्यकारी अधिकृत विष्णुप्रसाद ढकालले संस्थाको स्थापनाकाल देखी हालसम्म प्रत्येक बर्ष यसै आश्रममा जोडिएर सहयोग गर्न पाउदा खुशी लागेको र आश्रीत बृद्ध बुवा आमाको आशिर्वादले नै संस्थाले आज सहजै नवौँ बर्ष पार गरेको बताउनुभएको थियो । आश्रमको तर्फबाट आफ्नो मन्तब्य राख्ने क्रममा प्रथम उपाध्यक्ष शोभामोहन पौडेलले निरन्तर नौ बर्षदेखी संस्थाले यस आश्रमलाई सहयोग गर्दै आइरहेको र जसबाट बृद्धबृद्धाको खानपान, पालनपोषण र औषधी उपचारमा अतुलनिय सहयोग पुगेको बताउदै संस्थाको उत्तर उत्तर प्रगतीको कामना गर्नुभएको थियो भने, आश्रम सञ्चालक समितीका अध्यक्ष विश्वराज लामीछानेले वित्तीय संस्थाले आर्थिक कारोवार मात्रै गर्छन भन्ने भास्य तोडेर हरेक बर्ष नियमित उदाहरणीय सामाजिक कामहरु गर्दै आएकोमा आभार प्रकटका साथै संस्थाको उत्तर उत्तर प्रगतीको कामना गर्नुभएको थियो ।
संस्थाले सहयोगका लागी यस आश्रमलाई हरेक बर्ष रोज्नुले दुई संस्थाविच नङ् र मासुको जस्तो सम्बन्ध रहेको प्रसंग निकाल्दै संस्थालाई हार्दिक धन्यवाद ज्ञापन गर्दे कार्यक्रको समापन गर्नुभएको थियो । कार्यक्रमा वित्तिय संस्थाको विभिन्न विभागमा कार्यरत विभागीय प्रमुख, कर्मचारीहरु, आश्रमका सञ्चालक समितीका अन्य पदाधिकारीहरु र आश्रीत ४० भन्दा बढी बृद्ध आमा बुबाको उपस्थिती रहेको थियो भने कार्यक्रमको संचालन संस्थाको अधिकृत तिलक बहादुर भण्डारीले गर्नुभएको थियो । त्यस्तै संस्थाले आफ्नो नवौँ बार्षिकोत्सव अन्य शाखाहरुबाट पनि विविध सामाजिक उत्तरदायित्वका कार्यक्रम गरी मनाएको छ ।
राष्ट्रियस्तरको कार्यक्षेत्र भएको यस लघुवित्त वित्तिय संस्थाले देशका विभिन्न जिल्लामा ४३ वटा शाखा कार्यालयहरु मार्फत करिव ३६ हजार सदस्यलाई बैंकिङ सेवा पु¥याउने क्रममा वित्तिय कारोवार सँगसँगै विभिन्न संस्थासँग समन्वय गरी सामाजिक उत्तरदायित्वका कामहरु पनि निरन्तर गर्दै आइरहेको छ ।
