चितवन ।कायाकैरन दैनिकका प्रधान सम्पादक सूर्यप्रकाश कँडेल स्वास्थ्य दर्पण राष्ट्रिय हेल्थ अवार्ड २०७९ बाट सम्मानित भएका छन् । स्वास्थ्य दर्पण मिडिया नेटवर्क प्रा.लि.को वार्षिकोत्सवको अवसरमा शनिबार भरतपुरमा आयोजित अवार्ड वितरण समारोहमा पत्रकार कँडेल सम्मानित भएका हुन् ।
कायाकैरन दैनिकका प्रधान सम्पादक सूर्यप्रकाश कँडेल स्वास्थ्य दर्पण राष्ट्रिय हेल्थ अवार्ड २०७९ बाट सम्मानित भएका छन् । स्वास्थ्य दर्पण मिडिया नेटवर्क प्रा.लि.को वार्षिकोत्सवको अवसरमा शनिबार भरतपुरमा आयोजित अवार्ड वितरण समारोहमा पत्रकार कँडेल सम्मानित भएका हुन् ।
कार्यक्रममा बोल्दै प्रमुख अतिथि डा कोइरालाले नेपालको स्वास्थ्य क्षेत्रको उल्लेखनीय विकास भएको बताए । ‘चाहे स्वास्थ्यकर्मीको उत्पादन होस् या प्रविधिको प्रयोगमा होस् उल्लेखनीय प्रगति भएको छ’, उनले भने, ‘स्वास्थ्यको गुणस्तरीयताले नै मानिसको मृत्युदर घटेको छ भने आयुदर पनि बढेको छ ।’ स्वास्थ्यकर्मीहरु आर्थिक आर्जनभन्दा सेवामा केन्द्रित हुन उनले आग्रह गरे । ‘तपाईहरु ठूलो होइन असल हुन प्रेरित हुनुस् । प्रयत्न गर्नुुुस्’ उनले भन,े ‘तपाईहरुको मूल्यांकन राज्यले गर्छ । समाजले गर्नेछ ।’ पछिल्लो समय विषयगत पत्रकारिताको विकास हुँदै गएको बताउंँदै उनले स्वास्थ्य दर्पणले देशभरका स्वास्थ्य सेवामा लागेका व्यक्तित्वहरुलाई सम्मान गर्दै आएकोमा प्रसंशा गरे ।
नेपाल पत्रकार महासंघका अध्यक्ष पोख्रेलले पछिल्लो समय पत्रकारमाथि आक्रमण बढ्दै गएको बताए । उनले पत्रकारिता क्षेत्र चुनौतीपूर्ण पेशा भएको भन्दै स्वास्थ्यपत्रकारिता थप चुनौतीपूर्ण र संवेदनशील विषयगत पत्रकारिता भएको बताए । स्वस्थ समाज निर्माण गर्न स्वस्थ पत्रकारिता गर्नुपर्ने भन्दै पोख्रेलले यस्ता सम्मानले स्वास्थ्यकर्मी र पत्रकारलाई ऊर्जा मिल्ने बताए । ‘यो सम्मानले तपाईहरुलाई आफ्नो काममा प्रेरित गर्ने अवसर दिएको छ’ उनले भने, ‘राज्यले तपाईहरु सबैलाई सम्मान दिन नसेकपनि निजी मिडियाको यो कार्य प्रशंसनीय छ ।’
गण्डकी प्रदेशका सांसद महेन्द्रध्वज जिसीले पत्रकार नबोल्नेहरुको आवाज र नदेख्नेहरुको आंँखा बन्नुपर्नेमा जोड दिए । संचार क्षेत्र चुनौतीका बीच पनि अघि बढेको भन्दै उनले पत्रकार अनुसन्धान र खोज पत्रकारितामा लाग्नुपर्ने बताए ।
कार्यक्रममा वाग्मती प्रदेश सांसद माया श्रेष्ठ, नेपाली कांँग्रेसका केन्द्रीय सदस्य नैनसिंह महरलगायतले नेपालले स्वास्थ्य र पत्रकारिता क्षेत्रमा फड्को मारेको र यसलाई गुणस्तरीयतामा लैजानुपर्नेमा जोड दिए । स्वस्थ जीवन, स्वस्थ समाजबाट नै स्वस्थ नेपालको निर्माण हुने उनीहरुको भनाई थियो ।
पत्रकार सुरेश श्रेष्ठले अन्य विषयगत पत्रकारिता जस्तै स्वास्थ्य क्षेत्रको पत्रकारितालाई प्राथमिकता दिनुपर्ने बताए । हरेक जिल्लामा विषयगत पत्रकारिताको व्यवसायिकता आवश्यक हुने श्रेष्ठको भनाई थियो । नेटवर्कका सल्लाहकार डा. भोजराज अधिकारीले मोफसलमा स्वास्थ्य पत्रकारिता गर्न चुनौतीपूर्ण रहेको भन्दै नेटवर्कले विगत लामोसमयसम्म यस क्षेत्रलाई उजागर गर्न सफल भएको बताए ।
नेटवर्कका अध्यक्ष श्रेष्ठले पछिल्लो समय पत्रकारिता क्षेत्रमा अस्वस्थ प्रतिस्पर्धा बढ्दै गएको बताए । मिडिया हाउसले समाचार मात्र सम्प्रेषण नगरी यस क्षेत्रमा उदाहरणीय काम गरेका व्यक्तित्वहरुलाई ऊर्जा र प्रोत्साहन दिन सम्मान गर्दै आएको उनले बताए । यस्ता सम्मानले यस क्षेत्रमा काम गर्ने सबै व्यत्तित्वहरुको उर्जा र मनोबल बढ्ने भएकाले नियमित रुपमा संस्थाले सम्मान गर्दै आएको अध्यक्ष श्रेष्ठको भनाई थियो ।
कार्यक्रममा गोरखापत्र संस्थानका महाप्रबन्धक लालबहादुर ऐरी, नेपाल प्रेस युनियनका निवर्तमान वरिष्ठ उपाध्यक्ष दीपक आचार्य, चिकित्सक, स्वास्थ्यकर्मी, पत्रकारलगायतको सहभागिता थियो ।
