गैँडाकोट । पूर्वी नवलपरासीको गैँडाकोटमा रहेको अक्सफोर्ड कलेज अफ इन्जिनियरिङ एण्ड म्यानेजमेन्ट (अक्सफोर्ड कलेज)ले कक्षा ११ का विद्यार्थीहरुलाई स्वागत गरेको छ । भरतपुर महानगरपालिका वडा नं. १० मा अवस्थित सीएमटी रिसोर्टमा आयोजित एक कार्यक्रममा कक्षा ११ मा भर्ना भएका नयाँ विद्यार्थीहरुलाई कलेजले स्वागत गरेको हो । कक्षा १२ का विद्यार्थीहरुले कक्षा ११ का नवआगन्तुक विद्यार्थीहरुलाई स्वागत गरेको कलेजले जनाएको छ ।

स्वागत कार्यक्रममा अक्सफोर्ड कलेजका प्राचार्य प्रोफेसर इन्जिनियर हरि भण्डारीले विद्यार्थीहरूलाई कलेजको शैक्षिक गतिविधिका बारेमा जानकारी गराउनुभएको थियो । उहाँले जीवनोपयोगी सीप, क्षमता अभिवृद्धिसँगै भविष्यमा सफल उदाहरणीय व्यक्ति बन्नका लागि अबलम्वन गर्नुपुर्ने विषयको बारेमा विद्यार्थीहरुलाई जानकारी गराउनुभएको थियो ।

कक्षा ११ मा भर्ना भाएका विद्यार्थीहरुको उज्ज्वल भविष्यको कामना गर्दै उहाँले विद्यार्थीहरुलाई लगनशील भएर अध्ययन गर्न सुझाव दिनुभयो । अक्सफोर्ड कलेजका विद्यार्थीहरुले देश विदेशमा अलग्गै पहिचान बनाउन सफल भएको भन्दै प्राचार्य भण्डारीले अध्ययननै विद्यार्थीहरुको मुख्य दायित्व भएको बताउनुभयो ।

स्वागत कार्यक्रममा माउण्ट एमटी ८८४८ ब्याण्डका कलाकारहरुले साङ्गितिक प्रस्तुती देखाएका थिए । कलाकारहरुको मस्की मस्की हिडेर जानेले … बोलको गितमा विद्यार्थीहरुले भरपुर आनन्द लिएका लिएका थिए । कार्यक्रममा विद्यार्थीहरु सुजता गुरुङ, विनिता पाण्डे र अभिड भण्डारीले स्वागत मन्तव्य तथा शसी क्षेत्री, प्रनिल तामाङ, विवश गुरुङ र आस्था पौडेलले धन्यवाद मन्तव्य राख्नु भएको थियो ।