चितवन । वडा नम्बर २ द्वारा आयोजित कार्यक्रम हरियाली वडा भन्ने अभियान अन्तरगत नमस्ते चोक देखि पोखरा बस पार्क सम्म फूलसहितका गमला राख्ने क्रममा आइतबार राती अराजक समुहद्धारा तोडफोड भएको छ । लक्ष्मी पूजाको राती अज्ञात समुहले फुटाउंँदै गरेको दृश्य सिसिटीभी फुटेजमा पनि देख्न सकिन्छ । अभियानलाई विथोल्न गमला फुटाृउने समुहको पहिचान गरी सकेसम्म पक्राउ गरि कारबाहीको माग गरिएको अध्यक्ष मनोज रानाभाटले बताउनु भयो । ‘गमला फुटाउने व्यक्ति सिसिटीभी फुटेजबाट सहजै देख्न सकिन्छ , रानाभाटले भन्नुभयो, प्रहरीले चाडो भन्दा चांँडो दोषीलाई पक्राउ गर्री कारबाहीको माग गर्दछु ।’

वडाको तर्फबाट कारबाहीको माग गरी निबेदन दिईसकेको र वडाबासीलाई पनि दोषी पहिचान गर्न रानाभाटले आग्रह गर्नुभएको छ । दोषी पहिचान गर्न प्रहरी समक्ष निवेदन दर्ता गरेपनि हालसम्म दोषी फेला पर्न सकेको छैन ।
‘ यस्तो हदैसम्म निकृष्ट कार्यले हामीलाई दुःखित तुल्याएको छ, रानाभाटले भन्नुभयो, तर हामी कत्तिपनि बिचलित हुंँदैनौ । हाम्रो अभियान जारी रहन्छ ।’ उहांँले आफ्नो मोबाईल ९८५५०५८०५३ मा फोन गरी दोषी पहिचानको लागि सबैसंँग सहयोगको आग्रह गर्नुका साथै हरियाली २ नम्बर अभियानमा साथ , सहयोग र सार्बजनिक सम्पत्तिको संरक्षण गर्न समेत वडाबासीलाई अनुरोध गर्नुभएको छ ।