गैँडाकोट । पूर्वी नवलपरासीको गैँडाकोटमा रहेको अक्सफोर्ड कलेज अफ इन्जिनियरिङ्ग एण्ड म्यानेजमेन्ट (अक्सफोर्ड कलेज) को आयोजनामा QUALITY ASSURANCE AND JOURNAL RANKING विषयक एकदिने सेमिनार शुक्रबार सम्पन्न भएको छ ।
अक्सफोर्ड कलेज अफ इन्जिनियरिङ्ग एण्ड म्यानेजमेन्ट (अक्सफोर्ड कलेज) का प्रचार्य प्रोफेसर ई. हरि भण्डारीको अध्यक्षता एवंम् पोखरा विश्वविद्यालय व्यवस्थापन संकायका डिन एसोसियट प्रोफेसर डा. दयाराज ढकालको प्रमुख आतिथ्यतामा भएको सेमिनारमा एसोसियट प्रोफेसर डा.रविन्द्र घिमिरे र एसोसियट प्रोफेसर डा.अन्जय कुमार मिश्रले कार्यपत्र प्रस्तुत गर्नुभएको थियो ।
सेमिनारमा कार्यपत्रमाथि पोखरा विश्वविद्यालय व्यवस्थापन संकायका डिन एसोसियट प्रोफेसर डा. दयाराज ढकाल र व्यवस्थापन विषय समितिका अध्यक्ष प्राध्यापक डा. महानन्द चालिसेले टिप्पणी तथा विश्लेष्ण गर्नुभएको थियो ।
अक्सफोर्ड कलेज र भ्याली स्टेट कलेज भरतपुरका स्नातक तहमा अध्यापन गराउने प्राध्यापकहरु, प्रमुख तथा सहायक प्रमुख पदमा कार्यरत कर्मचारीहरु सहभागि रहेको सो सेमिनारको समापन समारोहको विशेष अतिथि योजना तथा महाशाखाका प्रमुख प्राध्यापक डा. दिपकराज पौडेल रहनु भएको थियो ।
कलेजमा शैक्षिक तथा व्यवस्थापन अभिबृद्धि कसरी गर्ने ? खोज तथा अनुसन्धानलाई कसरी परिस्कृत गर्ने ? कलेजका QAA कसरी कायम गर्न सकिन्छ ? लगायतका विविध विषयमा सेमिनारमा छलफल भएको हो । सो अवसरमा अक्सफोर्ड कलेजले प्रकाशन गरेको म्यानेजमेन्ट, टेक्नोलोजी र सामाजिक विज्ञान जर्नलको लोर्कापण समेत गरिएको थियो ।
