गैँडाकोट । कृषि तथा वन विज्ञान विश्वविद्यालय रामपुरले लिएको पशुचिकित्सा स्नातक तहको प्रवेश परिक्षामा अक्सफोर्ड सेकेन्डरी स्कुल (अक्सफोर्ड कलेज) का छात्र दिवेश प्रसाद पौडेल नेपाल टप भएका छन् ।

विश्वविद्यालयले आइतबार प्रकाशित गरेको नतिजा अनुसार पौडेलले कुल १०० अंक प्राप्त गर्दै एक नम्बरमा आफुलाई स्थापित गरेका हुन् । पशुचिकित्सा शास्त्रको पाँचवर्षे कोर्षका लागि पौडेलले पूर्णछात्रवृतिमा नाम निकाल्न सफल भएको अक्सफोर्ड कलेजले जनाएको छ ।

कलेजका प्राचार्य प्रोफेसर ई. हरि भण्डारीले दश जोड २ मा विज्ञान विषय लिएका पौडेल अध्ययनमा समेत सुरुवातदेखि अब्बल रहेको भन्दै पूर्णछात्रबृतिमा नाम निस्कदा कलेज परिवार हर्षित भएको बताउनुभयो । गैँडाकोट नगरपालिका वडा नं. १ घर भएका पौडेलले स्थानीय नेपाल राष्ट्रिय शसमेर आर्दश माविबाट एसइइ उतिर्ण गरेका थिए ।