चितवन । नव गायक सागर भुषालको रोमान्टिक गीत ‘निश्चल आँखामाु सार्वजनिक भएको छ । चितवनको नारायणगढमा आज ९सोमबार०आयोजित पत्रकार सम्मेलनमार्फत उक्त गीत सार्वजनिक गरिएको हो ।
गीत गायक भुषालको आधिकारिक युट्युब च्यानलमार्फत सार्वजनिक भएको हो । रोमान्टिक फ्लेवरको उक्त गीतमा गायक भुषालको सोलो आवाज छ । गीतको शब्द भिष्मराज जोशीले लेखेका हुन् । सन्तोष रत्न दङ्गलको कम्पोजिसन रहेको गीतमा एसके बच्चाको एरेन्ज छ ।
गीतमा देव आरएन र रन्जिता श्रेष्ठ फिचर्ड छन् । देवले यस अघि पनि केही म्युजिक भिडियो र लघु चलचित्रमा काम गरिसकेका छन् । रन्जिताको भने यो डेब्यु म्युजिक भिडियो हो । भिडियोलाई राजिव समरले निर्देशन गरेका हुन् ।
प्रवेश पण्डित, नेत्र गुरुङ र सन्तोष परियारले खिचेको भिडियोमा निर्देशक राजिवकै कोरियोग्राफी छ । भिडियोलाई प्रवेश पण्डितले सम्पादन गरेका हुन् । गीतको भिडियो चितवन र नवलपुरमा छायांकन गरिएको हो ।
कार्यक्रममा गायक भुषालले सात वर्षपछि संगीत अध्ययनपछि पहिलो पटक आफ्नै गीत सार्वजनिक गरिएको बताए । संगीतको विद्यार्थीको रुपमा सात वर्षको सिकाई अनुभव समेटेर गीत सार्वजनिक गरिएको बताए । दर्शक स्रोताको ताली र गाली दुबै स्वीकार गर्न आफू तयार रहेको उनको भनाइ थियो ।
मोडल देवले यस अघिको भन्दा यस पटक फरक गर्ने प्रयास गरेको बताए । उनले यस अघि पनि अधिकांस रोमान्टिक गीतमा नै काम गरेका थिए । यस्तै मोडल रन्जिताले पहिलो प्रयास भए पनि आफ्नो शत प्रतिशत दिएको बताइन् । पहिलो पटक म्युजिक भिडियो गरेकी रन्जिता मोडलिङ क्षेत्रमा भने केही वर्षयता निरन्तर सक्रिय छिन् ।
