चितवन । रुपान्तरण नेपालद्धारा कालिका नगरपालिका वडा नम्बर ९ स्थित कोलारका विपन्न परिवारलाई बाख्रा वितरण गरिएको छ ।

रुपान्तरण नेपालको आर्थिक सहयोग र कालिका नगरपालिका वडा नम्बर ९ र मानव विकास तथा सामुदायिक सेवा ललितपुर द्वारा संचालित जिविकोपार्जन परियोजनाले २५ विपन्न घर परिवारलाई २÷२ वटा बाख्रा, औषधि र झुल वितरण गरेको हो ।
कालिका नगरपालिका वडा नम्बर ९ का वडा अध्यक्ष निलकन्ठ मगरको प्रमुख आतिथ्यता रहेको सो कार्यक्रममा संस्थाले सो परियोजना अन्तर्गत लामो समय देखि स्वास्थ्य, शिक्षा, रोजगारिको क्षेत्रमा काम गर्दै आएको छ।
रुपान्तरण नेपाल सङको समन्वय गर्न मा पनि मानव बिकास तथा सामुदायिक सेवा को महत्वपूर्ण योगदान दिदै आएको छ ।
वितरण कार्यक्रममा बोल्दै प्रमुख अतिथी मगरले विपन्न लक्षित यस्ता कार्यक्रमले उनीहरुको आय आर्जनमा महत्वपूर्ण भुमिका खेल्ने र जिविकोपार्जनमा ठूलो टेवा पुग्ने बताउनुभयो।

त्यस्तै,नवजीवन एजी चर्च,भरतपुरका वरिष्ठ रेभरेन पास्टर अनिल पान्डेले चेपाङ समुदाय विकासको लागि स्थानीय सरकार र सरोकारवाला संघ संस्था सँग समन्वय गरि कार्यक्रम गर्न सकेमा चेपाङ समुदायलाई नमुना समुदायको रुपमा रुपान्तरण गर्न सकिने बताउनुभयो।

संस्थाले सिमान्तकृत चेपाङ समुदायको बिकास र जिबिकोपार्जनको लागि टेवा पुग्ने हेतुले बाख्रा वितरण गरिएको हो।
रुपान्तरण नेपालले देशभरका विभिन्न ठाउंमा समाज रुपान्तरण, शिक्षा, स्वास्थ, रोजगार र सिपमुलक कार्यक्रममा जोड दिदै आएको छ।