सर्बजीत थापा मगर, चितवन । । सूचना प्रविधिको दिवसको अवसर पारेर चितवन र नवलपुरका शिक्षकलाई इन्टरएक्टिभ स्मार्ट बोर्डको बिषयमा अन्तरक्रिया तथा प्रशिक्षण दिईएको छ । होरिओन नेपालको प्राविधिक सहयोग एवं बीएसबी ट्रेड सेन्टर र क्लिक सफ्टवेयर सोलुुसनको आयोजनामा भरतपुर स्मार्ट बोर्डको बहुआयामिक प्रयोगको सेमिनार सम्पन्न भएको हो ।
सेमिनारमा स्वागत मन्तव्य बिएसबि ट्रेड्का सन्चालक भानु शर्माले गर्नु भएको थियो । उहांँले शिक्षक तथा विद्यार्थीलाई सूचना प्रविधिको नवीनतम प्रयोग र अभ्यास गराउन प्रशिक्षण उपलब्धीमुलक हुने बताउनु भयो ।

होरिओन स्मार्ट इन्टरएक्टिभ बोर्डका इन्जिनियर मुकेश दवाडी ले यसको प्रविधि प्रयोग र लाभको बारेमा प्रशिक्षण दिनु भएको थियो । उहांँले अब शिक्षकहरुले अध्ययन अध्यापनमा पुराना सिकाई पद्धतिबाट नयांँ सूचना प्रविधिमा जान आवश्यक रहेको बताउनु भयो । सूचना प्रविधिको युगमा प्रविधिमैत्री हुनुपर्ने अपरिहार्य रहेको बताउंँदै उहांँले यसबाट खर्च तथा समयको पनि बचत हुने बताउनु भयो ।

त्यस्तै सेमिनारमा शिक्षा सफ्टवेयर को बारेमा इ.कृष्ण पोख्रेल र जे.बि थापा ले परिक्षा र लेखा सम्बन्धि बिस्तृत जानकारी गराउनु भएको थियो । होरिओन कम्पनीका रिन्कु यादवले नेपालमा ३ बर्षको ग्यारेन्टी सहित चितवन र नवलपुरका लागि विजनेश पार्टनरको रुपमा बिएसीबी ट्रेड सेन्टर रहेको बताउनु भयो । कार्यक्रम मा चितवन र नवलपुर का ८५ वटा स्कुल,कलेज र ५ वटा ब्यबसायिक प्रतिष्ठानका प्रतिनिधिहरुको सहभागिता रहेको थियो । सो अवसरमा सहभागीले यसको प्रयोग र लाभबारे जिज्ञासा राखेका थिए ।