चितवन। श्री दुर्गा शेषकान्त अधिकारी माबि भरतपुर १६ को आयोजना, राउन्ड टेबल नारायणगढ –१४ को सह आयोजनामा तथा पुरानो मेडिकल कलेजको प्राबिधिक सहयोगमा एक दिने बृहत् निशुल्क स्वास्थ्य शिबिर सम्पन्न भएको छ।

करिब ८०० जना विद्यार्थी,शिक्षक र अभिभावकहरुले स्वास्थ्य लाभ लिएको निःशुल्क स्वास्थ्य शिविरमा अस्पतालका तर्फबाट डा प्रेरणा बन्सल,डा रोसिना भट्टराई,डा बन्दना अर्याल, डा पूजा यादव,डा नेहा कुमारी, डा प्रबिण खत्री , डा मोनिका दङ्गाल ,डा अशोक शाह, डा निशा श्रेष्ठ , डा जान्वी अग्रवाल, डा समिक्षा थापा , डा मेनुका पौडेल,डा सगुन पराजुली, डा समिल्सन मानन्धर,डा सलिना महर्जन, कोशिका श्रेष्ठ, सीता पन्त,पृया चन्द, सृजना बराल, प्रतिमा श्रेष्ठ, राधा रोक्का, प्रबिण उपाध्याय, दिपक परियार लगायतले जनरल फिजिसियन,बालरोग, दन्तरोग, नेत्ररोग,नाक कान घाटी रोग सम्बन्धि बिसेसज्ञ सेवा प्रदान गरेका थिए भने राउन्ड टेबल १४ नारायणघाट का तर्फबाट बर्तमान अध्यक्ष डा सन्दीप गर्गले आतिथ्यता तथा सेवा प्रदान गर्नुभएको थियो ।
अस्पतालका तर्फबाट बिद्यालयका छात्रछात्राहरुलाई स्वास्थ्य सचेतना कार्यक्रम समेत सन्चालन गरिएको थियो ।
कार्यक्रममा मुख स्वास्थ्य,हात धुने तरिका, महिनावारी स्वास्थ्य , राम्रो स्पर्श ,नराम्रो स्पर्श आदि बिषयमा परामर्श गरिएको थियो ।
भरतपुर – १६ श्री दुर्गा शेषकान्त अधिकारी मा बि को परिषरमा आयोजित शिबिरको उद्घाटन ब्यानर बाचन गरेर भरतपुर महानगर १६ का वार्ड अध्यक्ष तथा कार्यक्रमका प्रमुख अतिथिी अमृतराज हमालले गर्नुभएको थियो भने अध्यक्षता विद्यालयका अध्यक्ष बहादुर हमालले गर्नुभएको थियो । स्वागत मन्तब्य प्रधानाध्यापक माधब प्रसाद पौडेलले राख्नुभएको कार्यक्रम सन्चालन बिद्यायालय नर्स मधु कुमारी पौडेलले गर्नुभएको थियो ।

कार्यक्रममा बिशिस्ट अतिथिी १७ नम्बर वडा अध्यक्ष ललितमान तामाङ, जनस्वास्थ्य प्रवद्र्धन शाखा भरतपुर महानगर पालिकाका शाखा प्रमुख दिपक सुवेदी, पुरानो मेडिकल कलेजका समुदाय स्वास्थ्य सेवा बिभाग प्रमुख डा. प्रेरणा बन्सल, राउन्ड टेबल नारायणघाट १४ का अध्यक्ष सन्दीप गर्ग आदिले कार्यक्रम सफलताको शुभकामना मन्तव्य राख्नुभएको थियो । कार्यक्रममा बोल्दै वडा अध्यक्ष हमालले पश्चिम चितवनका अधिकास बिरामीहरु मेडिकल सिटी भरतपुर उपचारका लागि जाने गरेको र यस्ता सचेतामुलक जनउपयोगी कार्यक्रम वडाका अन्य क्षेत्रमा समेत सन्चालनका लागि सहकार्य गरिने र भविष्यमा पनि यस्ता कामलाई निरन्तरता दिइने बताउनु भयो ।

निजि क्षेत्रको नेपालकै जेठो शिक्षण अस्पताल पुरानो मेडिकल कलेजले बिगत ३ दसक देखि गुणस्तरीय चिकित्सा शिक्षा तथा स्वास्थ्य सेवा दिइरहेको छ। मध्य नेपालमा रहेको यस अस्पतालमा नेपाल लगायत भारतबाट समेत उपचारका लागि दैनिक हजारौं बिरामीहरु आउने गरेका छन।विभिन्न संघ सस्थाहरु सग पारस्परिक हितमा हातेमालो गर्दै दुर दराजमा गुणस्तरीय स्वास्थ्य सेवा उपलब्ध गराउदै जाने र

संस्थागत सामाजिक उत्तरदायित्व अन्तर्गत विभिन्न स्वास्थ्य तथा सचेतता सम्बन्धि विभिन्न कार्यक्रमहरु अझ प्रभाबकारी ढंगले गर्दै जाने अस्पतालका जनसम्पर्क बिभाग प्रमुख दुर्गा प्रसाद न्यौपानेले बताउनु भयो ।