माडी । माडीमा सक्रिय युवाहरुको संस्था माडी जेसिजले बसन्तपुर बजारमा सचिवालय (कार्यालय) स्थापना गरेको छ ।
शाखा स्थापना दिवसको अवसर पारी माडी जेसिजले सचिवालयको उद्घाटन गरेको हो । माडी जेसिजका अध्यक्ष सन्तोष भट्टराई र प्रमुख अतिथि माडी नगर उपप्रमुख खेम प्रसाद महतोले संयुक्त रुपमा कार्यालयको उद्धघाटन गर्नुभएको हो ।
कार्यक्रममा विशिष्ट अतिथिका रुपमा नारायणगढ जेसिजका अध्यक्ष जेसी राजेन्द्र भट्टराई, नारायणगढ जेसिजका पूर्व अध्यक्ष विकासमान श्रेष्ठ, माडी जेसिजका संस्थापक अध्यक्ष रुद्रप्रसाद सापकोटा, पूर्वअध्यक्ष कृष्णहरि अधिकारी र शोभाखर अधिकारी, निवर्तमान अध्यक्ष सुवास गौतम लगायत माडी जेसिजका अन्य पदाधिकारीहरुको सहभागिता रहेको थियो ।

कार्यक्रममा बोल्दै प्रमुख अतिथि नगर उपप्रमुख महतोले माडी जेसिजले गरेको सामाजिक योगदानका स्मरण गर्दै खुखी व्यक्त गर्नुभयो । अध्यक्ष भट्टराईले माडी जेसिजले माडीका युवाहरुलाई जोडेर थप सेवा गर्ने प्रतिबद्धता व्यक्त गर्नु थियो । कार्यक्रम अध्यक्ष सन्तोष भट्टराइको सभापतित्वमा सम्पन्न भएको हो ।