चितवन । भारतको कोलकत्ता स्थित नेताजी इन्डोर स्टेडियममा भएको आठौं अन्तर्राष्ट्रिय कराँते च्याम्पियनसिपमा भरतपुरकी साम्राज्ञी स्नेही प्रधानले कास्य पदक प्राप्त गरेकी छिन् । यही जुलाई २६ देखि २८ गतेसम्म आयोजना गरिएको प्रतियोगितामा ४५ किलो समूहमा उनले कास्य पदक प्राप्त गरेकी हुन् ।
भरतपुर महानगरपालिका वडा नं. २, क्षेत्रपुरकी डा. मनोहर प्रधान र डा.संगीता प्रधानकी छोरी साम्राज्ञी भरतपुरमा कक्षा ८ मा अध्ययनरत छिन । उनले व्यक्तिगत रुपमा उक्त प्रतियोगितामा सहभागी जनाएकी हुन् । उनले यस अघि भरतपुर मेयर कपमा पनि कास्य पदक प्राप्त गरेकी थिइन् ।