चितवन । जापान अध्ययन गर्न जाने विद्यार्थीलाई लक्षित गर्दै परामर्श दिदैं आएको नारायणगढको शहिदचोक स्थित निप्पोन एजुकेसनल सेन्टरले आफ्नो स्थापनाको १४ औं बार्षिकोत्सव मनाएको छ । निप्पोन एजुकेसनल सेन्टर आज (मंगलबार) बाट स्थापनाको १४ वर्ष पुरा गरी १५ औं वर्षमा प्रवेश गरेको हो ।

आज कार्यालय परिषरमै वार्षिक उत्सवको अवसर पारेर बुझ्न सरल जापानिज भाषा ’वाकरी यासुई निहोनगो’ नामक पुस्तक बिमोचन गरेको छ । पुस्तकको विमोचन प्रमुख अतिथी इक्यान चितवनका वरिष्ठ सल्लाहाकार डा. अंगत कुमार गुप्ता, अतिथी निप्पोनको सम्पर्क कार्यालय साईता जापानका अफिसर हेड देवराज अधिकारी लगायतका अतिथिहरुले गरेका हुन् । प्रमुख अतिथि डा. गुप्ताले यस पुस्तकले विद्यार्थीलाई भाषा सिकाईको साथै त्यस देशको विकास, संस्कृति, संस्कार ऐन कानुनका विषयमा जानकारी दिने बताए ।

उच्च शिक्षा अध्ययनका लागि जापान जान चाहने विद्यार्थीहरुलाई परामर्श दिने उद्धेश्यसहित २०६७ भाद्र ११ गते (सन् २०१०) मा निप्पोन स्थापना भएको थियो ।

निप्पोन एजुकेसनल सेन्टर उच्च शिक्षाको लागि जापान जान चाहने विद्यार्थीहरुको भरपर्दो मार्गदर्शक बनिरहेको छ । सफलताका साथ आज स्थापनाको १५ औं वर्षमा प्रवेश गरेको कार्यक्रमका सभापति एवम् संस्थाका प्रवन्ध निर्देशक दीपकचन्द्र भट्टराईले बताए । भट्टराईले विद्यार्थी, अभिभावक, शिक्षकलगायत सबैको मेहेनत र सहयोगले संस्था सफल भएको बताए ।
उनले १४ बर्षमा संस्थाबाट धेरै विद्यार्थीहरुले सेवा लिएको समेत बताए । जापानिज भाषाबाट नै नामाकरण गरिएको निप्पोनले गुणस्तरिय भाषा कक्षा र परामर्श दिदै आएको निप्पोनले स्थापनाकालदेखि नै विद्यार्थीहरुको मन जित्न सफल भएको उनको भनाई छ ।

उक्त कार्यक्रममा बिशिस्ट अतिथी नेपाल पत्रकार महासंघका उपाध्यक्ष प्रकाश मणी ज्ञवालीे ,अतिथी निप्पोन एजुकेसनलका म्यानेजिङ डाईरेक्टर रुकमणी काफ्ले, निप्पोन एजुकेसनलका शाखा प्रमुख सबनम चौधरी लगायतको सहभागिता रहेको थियो ।