चितवन । भरतपुर–१० स्थित चितवन मेडिकल कलेज अगाडि रहेको शैक्षिक परामर्श संस्था गोल्डेन इमिनेन्ट इन्टरनेशन प्राईभेट लिमिटेड र दक्षिण कोरियाको साम्युक युनिभर्सिटी बीच सम्झौता भएको छ । दुई संस्थाबीच नेपालबाट बिद्यार्थी अध्ययन अध्यापन गर्न पठाउने बिषयमा सम्झौता भएको हो ।
नेपालबाट उच्च शिक्षाको लागि अध्ययन गर्न विद्यार्थी पठाउंदै आएको गोल्डेन इमिनेन्टले दक्षिण कोरियाको साम्युक युनीभर्सिटीमा नेपालका लागि एकमात्र भर्ना केन्द्रको रुपमा सम्झौता गरिएको इमिनेन्टका प्रबन्ध निर्देशक प्रकाश रिजालले जानकारी दिनुभयो ।
गोल्डेन इमिनेन्टका दक्षिण कोरिया शाखाका प्रमुख कुलदिप रिजालले साम्युक युनिभर्सिटी नेपाली विद्यार्थीहरुका लागि राम्रो र उत्कृष्ट युनिभर्सिटी रहेको र उक्त युनिभर्सिटीमा बिजनेस एडमिनिस्ट्रेसन,मेनेजमेण्टमा मार्च इन्टेकको लागि आजबाटनै भर्ना आवेदन शुरु भएको जानकारी दिनुभयो ।
प्रमुख रिजालका अनुसार पहिलो चरणमा एकसय ५० जना विद्यार्थीलाई भर्ना प्रक्रियामा समावेश गरिनेछ । यसका लागि आवेदन प्रक्रिया शुरु भएको र ५ दशमलब ५ आइएलटिस ल्याउने विद्यार्थीलाई ५० प्रतिशत स्कलरसिप दिइने युनिभर्सिटीले जानकारी दिएको छ । जसअनुसार उक्त संकायको एक सेमेष्टरको लागि प्रति विद्यार्थी जम्मा ३ लाख ७८ हजार रुपैंया लाग्नेछ भने स्कलरसिप प्राप्त गर्ने विद्यार्थीले उक्त रकमको ५० प्रतिशत मात्र बुझाए हुनेछ । कोरियन एम्बेसीको डकुमेण्ट भेरिफिकेसन ग्रुपमा भिषाको ५० जनाभित्र पर्ने गरि आवेदन भर्ना दिन प्रबन्ध निर्देशक रिजालले अनुरोध गर्नुभयो ।
डकुमेन्ट्स पुरा भएका कोरिया पढ्न जाने विद्यार्थीलाई समयमै आफ्नो सिट सुरक्षित गर्न र छात्रवृत्तिको लाभ लिन समेत रिजालले आग्रह गर्नुभयो ।

उक्त युनिभर्सिटीको लागि भिषाको भेरिफाई गर्ने गोल्डेन इमिनेन्ट बाहेक अन्य कुनै संस्था नरहेको र गोल्डेन इमिनेन्ट बाट आवेदन भर्ना गर्न कुनै समस्या नरहेको भिषा अफिसरले बताउनु भयो ।
यस्तै क्युन्सुङ्ग युनिभर्सिटीको बुसानको पहिलो चरणको भर्ना आबेदन सकिएको र दोस्रो भर्ना प्रक्रिया खोल्ने तयारी गरिएको गोल्डेन इमिनेन्टका प्रबन्ध निर्देशक रिजालले जानकारी दिनुभयो ।