रत्ननगर । चलचित्र ‘चितवन डायरिज’को ट्रेलर सार्वजनिक गरिएको छ । निर्माण टिमले बिहीबार हाईलाईट्स नेपाल मार्फत सो चलचित्रको ट्रेलर रिलिज गरेको हो।
सार्वजनिक ट्रेलरमा युवाहरु लागू औषधमा कसरी फस्छन र त्यसले अभिभावक,समाज र सिंगो राष्ट्रमा कसरी नकारात्मक प्रभाव पर्छ भन्ने ज्वलन्त उदाहरण प्रस्तुत गरिएको छ।
कपिल जंग आले मगरको लेखन,निर्देशन तथा निर्माण रहेको सो चलचित्रमा यज्ञ बिलास पौडेल(वाई बि), कपिल जंग आले मगर ,लक्की चौधरी र सलिना थापाको मुख्य अभिनय रहेको छ।
त्यस्तै,अजय श्रेष्ठ,सुमन पौडेल,सुरज न्यौपाने,संजय देवकोटा,पुजन लामिछाने लगायतको अभिनय रहेको छ।
सो चलचित्र गोजबम फिल्मसको दोश्रो प्रस्तुति हो। आशिष् काफ्ले र राम श्रेष्ठको छायांकन रहेको सो चलचित्रमा द्वन्द कपिल जंग आले मगरको रहेको छ। चलचित्रमा संजय बराल,मनमा बि राई र कपिल जंग क्षेत्रीको गायन रहेको छ।
सो चलचित्रको चितवनका विभिन्न रमणिय ठाउँहरु भरतपुर,पटिहानी,लाल पर्सा लगायतका क्षेत्रमा छायांकन गरिएको हो।
