चितवन । सिजी मोटर्सको आधिकारिक बिक्रेता युरो मोटर्सले हिरोको एक्स्ट्रिम सिरिज अन्तर्गत दुई नयाँ मोटरसाइकल बिक्री शुरु गरेको छ । मोटर्सले हिरो कम्पनीका एक्स्ट्रिम १२५ आर र एक्स्ट्रिम १६० फोरभी आरको एक भव्य कार्यक्रमका बीच सार्वजनिक तथा बिक्री गरेको हो ।

यूरो मोटर्स प्रालिले आइतबार सांँझ नारायणी नदी किनारमा दुवै मोटरसाइकल सार्वजनिक गरेको हो । उद्योग वाणिज्य संघ चितवनका अध्यक्ष सुमनकुमार श्रेष्ठ, जिल्ला ट्राफिक प्रहरी कार्यालय चितवनका प्रमुख गायत्रीराज शर्मालगायतले मोटरसाइकलको सार्वजनिक गरेका थिए । सो अवसरमा बोल्दै युरो मोटर्सका प्रबन्ध निर्देशक सन्तोष भट्टराईले पछिल्ला महिनाहरुमा युरो मोर्टर्सले चितवनमा आक्रामक व्यापार गरेको बताए । ‘हिरोका उत्पादन आफैंमा हिरो भइसकेको ब्राण्ड हो । यहांँका ग्राहकले हाम्रा सबै उत्पादन मनपराउनु भएको छ । यो हामी प्रतिको विश्वास हो ।’ प्रबन्ध निर्देशक भट्टराइले भने । उवासंघ चितवनका अध्यक्ष श्रेष्ठले यस्तो आर्थिक मन्दीमा पनि युरो मोटर्सले हिम्मतका साथ नयांँ उत्पादन बिक्री गर्दै जानु सबल पक्ष भएको बताए । चितवनको बाटो सुहाउंँदो यी उत्पादनमा ग्राहकको मन जित्ने विश्वास उनले गरे ।
सार्वजनिक कार्यक्रममा नै हिरोका यी दुईवटा मोडलका ९ वटा मोटरसाइकल बिक्री भएको प्रबन्ध निर्देशक भट्टराइले जानकारी दिए ।

हिरोको एक्स्ट्रिम १६० आर फोरभी (प्रो)को मूल्य रु. तीन लाख ८४ हजार नौ सय नौ सय तथा एक्स्ट्रिम १२५ आरको मूल्य सीबीएम मेरियन्टका लागि रु. दुई लाख ८९ हजार नौ सय एवम् एबीएस भेरियन्टका लागि रु. तीन लाख ११ हजार नौ सय तोकिएको छ । सन् २०१४ मा नेपाल प्रवेश गरेको हिरो मोटोकर्पले सुपर स्प्लेन्डर र एक्सपल्स २०० जस्ता चर्चित ब्रान्डद्वारा नेपालको बजारमा बलियो पकड जमाएको छ ।
एक्स्ट्रिम १६० जार फोरभीले १६० सीसी सेगमेन्टलाई नयाँ उचाइमा पु¥याउँदै १६३ सीसी ४–भल्भ बीएस–भीआई इन्जिन प्रदान गर्दछ । यसले आठ हजार ५०० आरपीएममा १६.९ पीएस पावर र ६ हजार ५०० आरपीएममा १४.६ एनएम टर्क उत्पादन गर्ने जनाइएको छ । १४५ किलो तौल भएको मोटरसाइकलमा उपलब्ध गरिएको पेटल डिस्क ब्रेकले शहरी सडक र राजमार्गहरुमा समेत कर्नरिङमा सहजता प्रदान गर्ने जनाइएको छ ।

एक्स्ट्रिम १२५ आरले १२५ सीसी सेगमेन्टमा नयाँ स्ट्यान्डर्ड स्थापना गर्दै शक्तिशाली स्प्रिन्ट इन्जिन प्रदान गर्ने बताइएको छ । एक्स्ट्रिम १२५ मा सिंगल च्यानल एबीएस, २७६ एमएम फ्रन्ट डिस्क ब्रेक र हाजार्ड लाइट जस्ता सुविधाहरु समावेश गरिएका बताइएको छ । फायरस्टोर्म रेड, कोबाल्ट ब्लू, र स्टालियन ब्याक जस्ता आकर्षक रडका विकल्पहरुमा उपलब्ध एक्स्ट्रिम १२५ आरले उत्कृष्ट प्रदर्शन, अत्याधुनिक विशेषताहरु र उच्च सुरक्षाका साथ नेपालका नयाँ पुस्ताका राइडरहरुको ध्यानाकर्षित गर्नमा कम्पनी विश्वस्त रहेको छ ।