चितवन । भरतपुर महानगरपालिका वडा नम्बर १४ स्थित सरस्वती क्लबले सोही ठाउंँ निवासी क्यान्सर पीडित पत्रकार संगिता बानियालाई ३० हजार सहयोग गरेको छ । क्लबका अध्यक्ष सुवास सिलवालको सक्रियतामा उपचारको लागि ३० हजार सहयोग गरेको हो । आर्थिक अभावका कारण उपचारमा कठिनाई भएपछि क्लबले बानियांँको ग्लोबल आइएमई बैंकको क्यूआर मार्फत खातामा जम्मा गरेको हो ।

क्लबले ३० हजार नगद जम्मा गरेको र क्लबले आयोजना गरेको भजन प्रतियोगिताको अवसरमा चलाएको संगीता बचाउ अभियान मार्फत थप ६० हजार रुपैयांँ जम्मा भएको अध्यक्ष सिलवालले जानकारी दिनुभयो । यस क्लबले यस अभियानलाई निरन्तरता दिने जनाएको छ । क्लबका अध्यक्ष सहित अभियान्ताहरुले शनिबार बानियांंँको घरमै पुगेर भेट समेत गरेको छ । हालसम्म बानियाको उपचारको लागि १७ लाख भन्दा बढी रकम जम्मा भईसकेको छ । आजनै उहांँ उपचारको लागि दिल्लीको राजीव गान्धी अस्पताल प्रस्थान गर्नुभएको छ ।

उहांँको उपचारका लागि चिकित्सकले थप ४० लाख रुपैंया लाग्ने बताएका छन । यसअघिनै उनको उपचारको लागि ४० लाख खर्च भईसकेको परिवारजनले जनाएका छन । सरस्वती क्लबका सदस्य सहित अभियान्ताहरुले बानियांँलाई आज सुस्वास्थ्यको कामना सहित बिदा गरेका थिए ।

बानियांँको उपचारमा आर्थिक सहयोग संकलनका लागि सामाजिक अभियान्ता विदुर केसीको नेतृत्वमा ८ सदस्यीय अभियान समिति गठन गरेर आर्थिक संकलन गरिएको छ । भइसकेको छ ।नेपाल पत्रकार महासंघ चितवनका अध्यक्ष बसन्तराज पराजुलीको अध्यक्षतामा बसेको सर्वपक्षीय उपस्थितिमा ‘क्यान्सर पीडित पत्रकार संगीता बानिया सिलवाल बचाउ अभियान’ गठन गरेर आर्थिक संकलनलाई तीब्र पारिएको हो । बानियांँ लामो समयदेखि स्थानीय शिवशक्ति रेडियोमा कार्यरत हुनुहुन्थ्यो ।