चितवन । भरतपुर महानगरपालिका वडा नम्बर २ ले अनलाईन पोर्टल सञ्चालनमा ल्याएको छ । शुक्रबार कार्यालयमा एक कार्यक्रमका बीच वडा अध्यक्ष मनोज रानाभाटले वार्ड२भरतपुरडटकम ( धधध,धबचमद्ददजबचबतउगच।अयm० को शुभारम्भ गर्नुभएको हो । पोर्टलको उद्दघाटन गर्दै अध्यक्ष रानाभाटले वडालाई प्रविधिमैत्री बनाउने उद्धेश्य सहित पोर्टल सञ्चालनमा ल्याईएको बताउनु भयो । ‘हामी यसअघिनै भरतपुरमै उत्कृष्ट वडा भईसकेका छौं,प्रविधिमा पनि स्मार्ट बन्नुपर्छ भनेर पोर्टल सञ्चालनमा ल्याएका हौं ।’ रानाभाटले भन्नुभयो । रानाभाटका अनुसार पोर्टलमा वडाका गतिविधि, सूचना, अनलाइन फर्म लगायतका सामाग्रीहरु समेटिएको छ ।

वडावासीलाई अनलाईनबाटनै काममा सहज होस र राष्ट्रिय अन्तरराष्ट्रिय स्तरमा पनि वडा नम्बर २ को बिषयमा जानकारी होस भन्ने हेतुले पोर्टल सञ्चालनमा ल्याईएको रानाभाटको भनाई छ ।
भरतपुर १० हाकिमचोक स्थित एनडब्लुटेकले पोर्टलको लागि प्राविधिक सहयोग गरेको हो । सो अवसरमा बोल्दै एनडब्लुटेका

प्रबन्ध निर्देशक ईञ्जिनियर त्रिबिक्रम रेग्मीले कम्पनीले देशभरीनै अनलाई पोर्टल, न्यूज पोर्टल तथा वेभपेज डिजाइनिङको काम गर्दै आएको र हाल चितवनका वडाहरुमा अनलाइन पोर्टलको निर्माण तथा व्यवस्थापन गर्दै आएको बताउनु भयो । यो पोर्टलमा आएका प्राविधिक विषयलाई कम्पनीले प्राविधिक सहयोग गर्ने प्रबन्ध निर्देशक रेग्मीले बताउनु भयो । कार्यक्रममा वडा सदस्यहरु, कर्मचारी एवं वडावासीहरुको सहभागिता थियो ।