चितवन । चितवन क्षेत्र नम्बर २ गठबन्धन सचिवालयकोे उद्धघाटन गरिएको छ । आज भरतपुर महानगर पालिका वडा नम्बर १० स्थित चितवन मेडिकल कलेज अगाडी चुनावी प्रचार प्रसार अभियानको लागि कार्यालयको उद्दघाटन गरिएको हो । उद्धघाटन कार्यक्रममा गठबन्धनका उमेद्वार, पांँच दलीय नेता तथा कार्यकर्ताको सहभागिता रहेको थियो ।
सो अवसरमा बोल्दै गठबन्धनका क्षेत्र नम्बर २ का प्रतिनिधि सभाका उम्मेदवार उमेश श्रेष्ठले गठबन्धनको जितनै जनताको जित भएको बताए । उनले आफ्नो उम्मेद्वारी शिक्षा ,स्वास्थ्य रोजगारीको लागि भएको भन्दै आफूले चुनाव जितेमा १० बर्षमै चितवनलाई कायापलट गर्न सकिने बताए । ‘म आफै गरिखाने अभियानको अभियान्ता हो, उनले भने, युवाहरुलाई रोजगारी जोड्नको लागि पनि मैले उम्मेद्वारी दिएको हुंँ ।’ यो चुनाव आफू एक्लैको नभएको भन्दै उनले जनताको हातमै नतिजा भएको बताए । आफू लामो समय शिक्षा क्षेत्रमा रहेको र निस्वार्थ भावका साथ राजनीतिमा लागेको भन्दै चितवनको परिवर्तनको लागि उम्मेद्वारी दिएको बताए । ‘देशमा व्यवस्था परिवर्तन भयो, अवस्था परिवर्तन भएन उनले भने, मेरो उम्मेद्वारी स्थायी राजनीति र समृद्धिको लागि हो ।’
सो अवसरमा बोल्दै गठबन्धनका संयोजक राजेश्वर खनालले चितवन जिल्लालाई समानुपातिक विकास गर्न पनि गठबन्धनलाई जिताउनु आवश्यक रहेको बताए । चितवनको शिक्षा स्वास्थ्य, रोजगारी लगायतका क्षेत्रमा परिवर्तन ल्याउन पनि गठबन्धनलाई जनताले जिताउनु पर्ने उनले धारणा राखे ।
क्षेत्र नम्बर प्रदेश २ क गठबन्धनका उम्मेदवार घनश्याम दाहालले आफूहरु उम्मेदवारको प्रतिनिधि पात्र मात्र भएको बताए । हामी त एउटा प्रतिनिधि पात्र मात्र हौं, उनले भने, जनता सबै उम्मेद्वार हुन्
आफूले वाग्मती प्रदेश मन्त्री हुंँदा पनि चितवनको लागि दर्जनौं काम गरेको बताउंँदै उनले बांँकी काम गर्नपनि जनताले मतदान गर्नेमा आफू विश्वस्त रहेको बताए । आफूले प्रतिबद्धता गरेका जनताको काम गर्दै आएको भन्दै उनले सवारी अनुमति पत्र वितरणका लागि प्रविधिमैत्री व्यवस्था गर्न सफल भएको बताए ।
प्रदेश २ ख का उम्मेदवार उत्तम जोशीले शान्ति समृद्धि र परिवर्तनको लागि गठबन्धन चुनावी अभियान लागेको भन्दै प्रतिगामीलाई परास्त गर्न पनि गठबन्धन जित्नु आवश्यक रहेको बताए । देशमा विभिन्न कालखण्डमा आन्दोलन भएपनि अहिलेसम्म पनि मुहार नसकेको भन्दै गठबन्धनको नेतृत्वले यो जिम्मा लिनुपर्ने बताए । आफ्नो उम्मेदवारी चितवनमा शान्ति समृद्धि र विकासको लागि रहेको उनको भनाई थियो ।
सो अवसरमा बोल्दै चितवन कांँग्रेस सभापति जितनारायण श्रेष्ठले गठबन्धनले तीनैवटै क्षेत्र जित्ने गरी चुनावी अभियानलाई तीब्र पार्नुपर्ने बताए । गठबन्धनका उम्मेदवार चितवनको विकासको लागि योग्य पात्र रहेको भन्दै उनले भने, क्षेत्र नम्बर १ मा विश्व पौडेल हुनुहुन्छ उहांँ आगामी सरकारको अर्थमन्त्री को योग्य उम्मेद्वार हो क्षेत्र नम्बर २ मा शिक्षाविद उमेश श्रेष्ठ हुनुुहुन्छ उहांँ शिक्षा मन्त्रीको लागि योग्य उम्मेद्वार हो तीन क्षेत्रमा डाक्टर भोजराज अधिकारी हुनुहुन्छ उहांँ स्वास्थ्य मन्त्रीको लागि योग्य उम्मेद्वार हो । प्रतिगामीलाई परास्त गर्दै गठबन्धनले जित हासिल गर्नुपर्ने भन्दै उनले सबैले आफ् आफ्नो क्षेत्रबाट चुनावी अभियान र एजेण्डालाई जनतासामु लैजानुपर्ने बताए ।
कार्यक्रममा नेपाल कम्युनिष्ट पार्टी एकीकृत समाजवादीका जिल्ला उपाध्यक्ष कृष्ण न्यौपाने लब्ली, जनता समाज पार्टीका जिल्ला अध्यक्ष डम्बर पुरी, लगायतले मन्तव्य राखेका थिए ।
कार्यक्रम क्षेत्र नम्बर २ का कांँग्रेस सभापति भरत लामिछानेको अध्यक्षतामा सम्पन्न भएको थियो ।
