चितवन । खेल क्षेत्रको बिकासका रामपुरमा बन्न लागेको रंगशाला अपरिहार्य रहेको मतदाताहरुले बताएका छन् । भरतपुर १५ र १६ मा आयोजना गरिएको घरदैलोका क्रममा प्रदेश सभा सदस्यका उम्मेदवार प्रा.डा. सूर्यकान्त घिमिरेलाई युवाहरुले रंगशाला निर्माण र यस क्षेत्रको विकासका लागि सहयोग गरिदिन आग्रह गरेका छन् । बन्दै गरेको अन्तराष्ट्रिय क्रिकेट रंगशाला अलपत्र पर्दा यहाँका खेल प्रेमी युवाहरुको भविष्य अन्योलमा परेको फुलबारीका एक युवा लक्ष्मण सुवेदीले गुनासो गर्नुभयो ।
रंगशाला निर्माणको काम सुरु गरि खेल जगतको बिकासमा टेवा पु¥याउने उम्मेदवार अहिलेको आवश्यकता रहेको उहाँले बताउनुभयो ।
अर्का युवा निरञ्जन सुवेदीले जनताको मर्म अनुसार बिकास निर्माणको काममा सहयोग गर्ने उम्मेदवार आबश्यक रहेको बताउनुभयो । यस क्षेत्रको बिकासका लागि गौतमबुद्ध अन्तराष्ट्रिय क्रिकेट रंगशाला अपरिहार्य भएको भन्दै उहाँले अब आउने जनप्रतिनिधिको ध्यान रंगशाला निर्माण तर्फ जानु पर्ने बताउनुभयो । उहाँले घिमिरे संग गुनासो गर्दै भन्नुभयो “समाजमा बिकासको खाँचो छ । यसलाई रंगशालाले केही हद सम्म पुरा गर्छ । रंगशाला बनाई दिनुस भोट तपाईंलाई दिन्छौं ।’
खाध्यान्न उत्पादनका दृष्टिले समेत महत्वपूर्ण मानिएको भरतपुर महानगरको पश्चिम क्षेत्रका मतदाताहरुले कृषि क्षेत्रमा आधुनिकिकरणको चाहना गरेका छन् । पछिल्लो समय कृषि क्षेत्रमा देखिदैं आएको समस्या समाधानका लागि पहल गर्न समेत मतदाताले घिमिरे संग आग्रह गरेका छन् । कृषि तथा वन बिज्ञान विश्व बिद्यालयको संस्थापक रजिष्टार भएर बिश्वबिद्यालयमा गरेको सुधार अहिले यस क्षेत्रका कृषकले आफ्नो खेत बारीमा देख्न चाहेको स्थानीय नारायण केसीले बताउनुभयो ।
मतदाको अपेक्षा अनुसार बिकासका काममा सहयोग पुग्ने गरि काम गर्ने घिमिरेले प्रतिबद्धता जनाउनु भएको छ ।
मंसिर ४ गते हुने प्रतिनिधि सभा एबं प्रदेश सभा निर्बाचनका लागि घरदैलो कार्यक्रमका क्रममा जनताको गुनासोलाई सम्बोधन गर्दै घिमिरेले पश्चिम चिवतनको बिकासका लागि आफू निर्वाचित भए पछि सक्दो प्रयास गर्ने बताउनुभयो । उहाँले भन्नुभयो “गठवन्धनको बिजयले मात्रै रंगशाला निर्माण, कृषि क्षेत्रको समस्या समाधान गर्ने छ ।” आँफु समेत कृषिको प्रध्यापक रहेको जानकारी दिदैं उहाँले कृषि क्षेत्रको बिकास संगै यहाँको समस्या समाधानका लागि आँफु सधै तयार रहेको बताउनुभयो । घिमिरेले आज महानगरका बिभिन्न वडाहरुमा घरदैलो कायक्रम सम्पन्न गर्नुभएको छ ।
