चितवन । नारायणगढको मिलनरोड टोल विकास संस्था र वल्र्डलिंक कम्युनिकेसन बीच सम्झौता भएको छ । आज आइतबार एक कार्यक्रमका बीच टोल विकास संस्थाका अध्यक्ष चित्र बहादुर खाती र वल्डलिंकका नारायणगढ शाखाका सेल्स सुपरभाइजर थमनसिंह दिस्वा बीच सम्झौत पत्रमा हस्ताक्षर भएको हो । सम्झौता अनुसार वल्र्डलिंक कम्युनिकेशनले मिलनरोडमा दुईबर्षसम्म नि:शुल्क इन्टरनेट वाईफाई सेवा दिनेछ ।
सो क्रममा बोल्दै अध्यक्ष विश्वकर्माले टोललाई सूचना तथा प्रविधिमैत्री बनाउने उद्धेश्यले निःशुल्क वाईफाई सेवा दिन लागिएको बताए । ‘निःशुल्क वाईफाईले एक त सडकमा हिड्ने पैदल यात्रुले सेवा लिन्छन त अर्को कुरा सेवाग्राही र ग्राहकले पनि सजिलै सेवा लिन सक्छन ।’ विश्वकर्माले भने ।
नागरिकलाई सूचना र डिजीटल संसारमा अभ्यस्त बनाउन पनि निशुल्क वाईफाईले मदत गर्ने अध्यक्ष विश्वकर्माको भनाई छ ।
वल्र्डलिंकका प्रबन्धक दिस्वाले विगतका दिनहरुमा पनि कम्पनीले देशभरका विभिन्न सार्वजनिक स्थानहरुमा निःशुल्क वाईफाई सेवा दिदै आएको भन्दै मिलनरोड जस्तो बजारमा पनि सेवा दिन लागिएको बताए ।
‘हामीले व्यवसायिक धर्म निर्वाह गर्नुको साथै संस्थागत सामाजिक उत्तरदायित्व निर्वाह गरेका हौं ।’ उनले भने । उनले निशुल्क सेवा सञ्चालन भएपछि सेवाको बारेमा जानकारी दिन पनि आग्रह गरे ।
कार्यक्रममा टोल विकास संस्थाका सचीव दिनेश पिया, कोषाध्यक्ष निलेनमान शाक्य,सह–सचिव राज्यलक्ष्मी कर्माचार्य, सदस्य विकास बर्मा ,निरज श्रेष्ठ लगायतको सहभागिता रहेको थियो ।