चितवन । सिजी ग्रुपको व्यवसायिक भवन सिजी ल्याण्डमार्क भरतपुरले भरतपुर महानगरपालिकाका सामुदायिक विद्यालयलाई खेलकुद सामाग्री वितरण गर्न शुरु गरेको छ । संस्थागत सामाजिक उत्तरदायित्व अन्तर्गत विद्यार्थीहरुको शारिरीक विकासमा बृद्धिको साथै मनोरञ्जन प्रदान होस भन्ने हेतुले खेलकुद सामाग्री वितरण गरिएको हो । यसै क्रममा ल्याण्डमार्कले आज चितवन माध्यमिक बिद्यालयलाई ४ वटा फुटबल वितरण गरेको छ ।

महानगरका २० वटा सामुदायिक विद्यालयलाई छनौट गरी क्रमश अन्य विद्यालयलाई पनि वितरण गर्दै लगिने ल्याण्डमार्कका प्रबन्धक उज्ज्वल केसीले जानकारी दिए । ‘आज चितवन माविलाई वितरण गरियो भोलिबाट भरतपुर महानगरका अन्य बिद्यालयलाई क्रमश वितरण गर्नेछौं उनले भने, यो अभियानले एकत विद्यार्थीको शारिरीक सुसंगठनमा विकास हुन्छ, अर्कोकुरा मोबाईलबाट खेलिने भर्चुवल गेमबाट टाढा राख्न मदत मिल्छ ।’

ल्याण्डमार्कले आगामी दिनमा पनि यस्ता रचनात्मक कार्यलाइ निरन्तरता दिदै जाने उनको भनाई छ ।
यसलाई एउटा अभियानका रुपमा शुरुवाती चरणमा प्रति विद्यालय ४ वटा फुटवल वितरण गरिएको केसीले बताए । बितरण कार्यक्रमको संयोजन प्रोफेशनल मिडिया ग्रुपका अध्यक्ष नवीनराज पौडेलले गरेका हुन् ।