नवलपुर । गुणस्तरीय शिक्षा प्रदान गर्दै आएको नारायणगढको लिटल फ्लावरले नवलपुरको सहेरीमा स्थापना भएको लिटल फ्लावर स्कुलले नयांँ शाखा सञ्चालनम। ल्याएको छ । बालबालिकालाई शिक्षाको पहुांच पुरयाउने उद्धेश्य सहित यही शैक्षिकसत्र २०८० का लागि भर्ना आह्वान सुरु गरेको हो । स्कुलले कक्षा नर्सरी, एलकेजी, युकेजी र कक्षा १ का लागि भर्ना आह्वान गरेको प्राचार्य रोवीले जानकारी दिनुभयो । उहांँका अनुसार बैशाख ४ गते (आईतबार) देखि बैशाख ८ गतेसम्म भर्ना आह्वान खुला गरेको हो । स्कुलले आफ्ना नानीबाबुहरुलाई समयमै ल्याई भर्ना गरी अवसरबाट वञ्जित नहुन समेत अनुरोध गरेको छ ।
आधुनिक भौतिक पुर्र्वाधार सहित गुणस्तरीय शिक्षाका लागि स्मार्ट बोर्ड सहित अनुभवि र तालिमप्राप्त शिक्षकहरु रहेको स्कुलले जनाएको छ । बालमैत्री शिक्षण विधि,अंग्रेजी भाषामा पठनपाठन, विद्यार्थीहरुको लागि बसको सुविधा, विपन्न र जेहेन्दार विद्यार्थीहरुका लागि विशेष छात्रबृतिको व्यवस्था स्कुलमा रहेको प्राचार्य रोवीले जानकारी दिनुभयो । लिटल फ्लावर स्कुलले भारतको केरला संँगै नेपालको विभिन्न ठाउंँमा आफ्ना शिक्षाको गुणस्तर बढाउन स्कुल स्थापन गर्दै आएको छ । यो समेत गरी नेपालमा ४ वटा स्कुल सञ्चालित छन ।
नवलपुरको मध्यविन्दु नगरपालिका र त्यस आसपासका क्षेत्रमा गुणस्तरीय शिक्षा उपलव्ध गराउने उदेश्यका साथ स्थानीयहरुको माग बमोजिम चितवनको नारायणगढमा रहेको लिटिल फ्लावर स्कुलले आफ्नो शाखा विद्यालयको रुपमा नवलपुरको सेहरीबाट सेवा दिन थालेको हो ।
चितवनको सबैभन्दा उत्कृष्ट विद्यालयको रुपमा आफ्नो पहिचान बनाएको लिटिल फ्लावर स्कुलले नवलपुरबाट पनि विद्यार्थीहरुलाई सेवा दिन थालेको भन्दै स्थानीय हर्षित भएका छन् ।
