चितवन । चितवनको माडी वडा नम्बर ९ स्थित बांँदरझुला र मकवानपुरको राक्सीराङ्ग गाउंँपालिका वडा नम्बर ७का चेपाङ्ग तथा विपन्नका ४६८ घरधुरीले खाद्यान्न तथा पोषण सामाग्री पाएका छन । ग्रैहसरकारी संस्था शान्ति मेड नेपालको आर्थिक सहयोग र लिटिल फ्लावर सोसाईटीको समन्वयमा आईतबार र मंगलबार गरी खाद्यान्न तथा पोषण सामाग्री वितरण गरिएको हो ।

संस्थाको नियमित तालिका अनुसार सिमान्तकृत तथा विपन्न समुदायको दैनिक जीवन सहज होस भन्ने हेतुले खाद्यान्न तथा पोषण सामाग्री वितरण गरिएको सोसाईटीका निर्देशक फादर विविन सि ले जानकारी दिए ।

उनका अनुसार सो वडामा रहेका हरेका घरधुरीलाईलाई एक बोरा चामल २ किलो दाल वितरण गर्नुका साथै चेपांग समुदायका बालबालिकाहरुलाई फलफूल, अण्डा, विस्कुट, चकलेट लगायतका पोषण तथा खाजा वितरण गरिएको थियो । आईतबार बांँदरझुलाका २२० घरधुरी र मंगलबार राक्सीराङ्गका २४८ घरधुरीलार्ई उक्त सामाग्री वितरण गरिएको हो ।

वितरण कार्यक्रममा फादर सिरिल ज्याकब, गिजो गर्ग, सिबी एम, फादर रोवी क्यु,सोसाईटीका सचिव गोविन्द पौडेल लगायत सहभागी थिए । माडी वडा नम्बर ९ का अध्यक्ष घनश्याम दवाडी र राक्सीराङ्ग वडा नम्बर ७ का अध्यक्ष राम बहादुर प्रजाको संंयोजनमा उक्त सामाग्री वितरण गरिएको हो ।

संस्थाले कोरोनाकालमा मात्रै चितवन, नवलपरासी र मकवानपुरमा गरी एक करोड बराबरको खाद्यान्न तथा शैक्षिक सामाग्री वितरण गरेको निर्देशक विविनले जानकारी दिए ।