चितवन । एभरेष्ट बचत तथा ऋण सहकारी संस्था नारायणगढको १६ औं बार्षिक साधारण सभा सम्पन्न भएको छ । भरतपुरमा आज सम्पन्न बार्षिक साधारण सभा प्रमुख अतिथि भरतपुर महानगरपालिकाका उपप्रमुख चित्रसेन अधिकारी र संस्थाका अध्यक्ष बालगोपाल चुकेको सभापतित्वमा सम्पन्न भएको हो ।
कार्यक्रममा विशिष्ट अतिथिको रुपमा चितवन जिल्ला बचत तथा ऋण सहकारी संघका अध्यक्ष विद्या कोइराला ,नेफ्स्कुनका नवराज सापकोटा, एभरेष्ट साकोसका कानुनी सल्लाहकार डाक्टर कुन्साङ्ग लामा , निवर्तमान अध्यक्ष महेन्द्र शाक्य लगायतको सहभागी हुनुहुन्थ्यो ।
सो अवसरमा बोल्दै प्रमुख अतिथि अधिकारीले सहकारी इतिहास चितवनबाट शुरु भएको बताउंँदै सहकारी उत्पादनमुखी र शेयरसदस्यमैत्री हुनुपर्ने बताउनु भयो । सहकारीले साना पुंँजीलाई एकीकृत गर्दै उद्यमशील बनाउन प्रेरित गर्नुपर्ने भन्दै यस्ता पूंँजीलाई उत्पादन क्षेत्रमा लगाउनु पर्ने बताउनु भयो । छोटो समयमै संस्थाको कुशल नेतृत्वका कारण एभरेष्ट साकोसले उचाई लिएको बताउंँदै उत्तरोत्तर प्रगतिको कामना गर्नुभयो ।
चितवन जिल्ला बचत तथा ऋण सहकारी संघका अध्यक्ष विद्या कोइरालाले वित्तिय क्षेत्रमा सहकारीको महत्वपूर्ण योगदान रहेको बताउनु भयो । उहांँले सहकारीलाई विश्वास गर्नुपर्ने र बचत बृद्धि गर्दै लैजानुपर्नेमा जोड दिनुभयो । सहकारीमा शुसासन , अनुशासन हुनुपर्ने र जोखिमबाट मुक्त सहकारी बनाउन संघ लागिरहेको उहांँको भनाई थियो ।
नेफ्स्कुनका नवराज सापकोटाले नेफ्स्कुनले नीति, विधि र प्रविधिमा जोड्न मदत गरेको बताउनु भयो । सहकारीको प्रर्वद्धनको लागि शेयर सदस्य जागरुक बन्नुपर्ने बताउंँदै शेयर सदस्यको जागरुकताबाट मात्रै सहकारी बलियो हुने बताउनु भयो ।
संस्थाका अध्यक्ष बालगोपाल चुकेले समुदायमा आधारित उत्कृष्ट , व्यवसायिक एवं दिगो वित्तिय सहकारी संस्था भन्ने परिकल्पनाका साथ संस्थाले रणनैतिक योजना निर्माण गरी व्यवसायिक , सामाजिक, सदस्यमैत्री सेवाका साथ अघि बढेको बताउनु भयो । उहांँले सबैको सहयोग , साथ र विश्वासले संस्थाले उचाई प्राप्त गरेको बताउनु भयो । सहकारीका सिद्धान्त मुल्य मान्यता र सरकारको नीति निर्देशनका साथ अघि बढेको र आगामी दिनमा पनि यस्तै साथ सहयोगको अपेक्षा गर्दै सम्पूर्ण शेयर सदस्यलाई धन्यवाद दिनु भयो ।
२०६४ साल चैत्र १४ गते संस्थापक अध्यक्ष स्वर्गीय रविमान श्रेष्ठको नेतृत्वमा २५ जनाबाट शुरु भएको यस संस्थामा हाल चार हजारको हाराहारीमा शेयर सदस्य छन ।
१२ लाख शेयर पुंँजीबाट शुरु भएको यस संस्थाको शेयर पुंँजी ५ करोड ४० लाख ३७ हजार ७००, बचत रकम २५ करोड २७ लाख २१ हजार ६०६ , ऋण लगानी ३१ करोड ३३ लाख २८ हजार ५९६ र जगेडा तथा अन्य कोष ५, करोड ९७ लाख ४६ हजार ५७९ गरी कुल सम्पत्ति ४० करोड १२ लाख ८० हजार ४८२ रुपैंयाको कारोबार गरेको छ ।
