चितवन । चर्चित गायिका शान्ति श्री परियार र हाकिम सुनारको स्वरमा सजिएको ’सेती दोभान’ बोलको गीत सार्वजनिक भएको छ । शान्ति श्री र हाकिमको गीत केही हालैमात्र युट्युबमा सार्वजनिक भएको हो ।

सार्वजनिक गीतमा रमेश परियारको शब्द छ भने परियारले नै गीतमा संगीत भरेका हुन् । गीतमा संगीत संयोजन एचबिएन किस्मतको छ । गीतमा माया प्रेमको बिषयलाई देखाईएको छ ।

राजेन्द्र खत्री निर्मित गीतको भिडियोलाई काजिश श्रेष्ठले निर्देशन गरेका हुन् । भिडियोमा चर्चित मोडल करिश्मा ढकाल र काजिश श्रेष्ठ फिचर्ड छन् । राजेश घिमिरेले खिचेको भिडियोलाई दीपक बिष्टले सम्पादन गरेका हुन् ।