माल्टा । नेपाल माल्टा कम्युनिटीले भूकम्प प्रभावितलाई सहयोग गर्ने भएको छ । जाजरकोट केन्द्रविन्दु भएर गएको भूकम्पमा परि जाजरकोटमा ९८ जना र रुकुम पश्चिममा ४३ जनाको मृत्यु भएको पुष्टि भैसकेको छ । दैलेख, जुम्ला र रोल्पामा पनि केही घाइते भएका छन् । रोजगारीका लागि माल्टा आएका नेपालीहरुको संस्था नेपाल माल्टा कम्युनिटीले सहयोग गर्न अपील समेत गरेको छ । कार्यसमितिको आकस्मिक बैठकले छिटै सहयोग गर्ने निर्णय गरेको छ । संयोजक ललित पाण्डेले सरकारसँग समन्वय गरेर सहयोग हस्तान्तरण गरिने बताए । पाण्डे हाल नेपालमै छन् । हाल सहयोग संकलन अभियान भईरहेको र चांँडैनै सहयोग पठाउने पाण्डेको भनाई छ ।

भूकम्पले भएको जन –धनको क्षतिले स्तब्ध बनाएको बताए । क्षतिग्रस्त ठाउँमा तत्काल उद्धार र राहतमा जुट्न सबै लाग्नुपर्ने बताए । संस्थाका सल्लाहकार बाबु अर्यालले माल्टामा रहेका नेपालीहरु सहयोग अभियानमा जुटिरहेको बताए । सहयोग रकम संकलन गरि नेपाल पठाइने बताए । भूकम्प प्रभावित क्षेत्रमा सक्दो सहयोग गर्न समेत आग्रह गरे ।