गैँडाकोट। नवलपुरको गैँडाकोटमा रहेको अक्सफोर्ड कलेज अफ इन्जिनियरिङ एण्ड म्यानेजमेन्ट (अक्सफोर्ड) कलेजले ले जापानको एक इन्जिनियरिङ कम्पनीसँग सम्झौता भएको छ । जापानको राजधानी टोकियोमा रहेको आईएमएसी इन्जिनियरिङ कम्पनीसँग अक्सफोर्डले इन्जिनियरिङ र कम्प्युटर विषयको चारबर्षे कोर्ष उर्तिण भएका विद्यार्थीहरुको लागि रोजगारी दिलाउने विषयमा सम्झौता गरेको हो । सहमतीपत्रमा आइएमएसीका जनरल म्यानेजर हिरोकजु र अक्सफोर्ड कलेजका प्राचार्य प्रोफेसर ई. हरि भण्डारीले हस्ताक्षर गर्नुभएको छ ।
जापान भ्रमणमा रहनुभएका अक्सफोर्ड कजेजका प्राचार्य प्रोफेसर ई. हरि भण्डारीका अनुसार बिसिए, सीभील इन्जिनियरिङ, बीइ इलेक्ट्रेकिल एण्ड इलेक्ट्रोनीक्स र ब्याचलर अफ कम्प्युटर इन्जिनियरिङ विषय उतिर्ण भएका विद्यार्थीहरुलाई टोकीयोको आईएमएसी इन्जिनियरिङ कम्पनीमा आर्कषक तलव र सेवा सुविधा सहित रोजगारीको अवसर प्राप्त हुने प्राचार्य भण्डारीले जानकारी दिनुभयो । उहांँका अनुसार अक्सफोर्ड कलेज र सो इन्जिनियरिङ कम्पनीसँग भएको समझादारी पत्रअनुसार निःशुल्क रुपमा विद्यार्थीहरु जापान जान सक्नेछन् । ‘चारवर्षे कोर्ष पुरा गरि रोजगारीको पर्खाइमा रहेका विद्यार्थीहरुलाई कलेजले गरेको सम्झौताले खुसी तुल्याएको छ ।’ भण्डारीले भन्नुभयो ।
रोजगारीको लागि जापान जान चाहने विद्यार्थीहरुले आफ्नो शैक्षिक प्रमाणपत्र सहित अक्सफोर्ड कलेजमा आवेदन दिनसक्ने प्राचार्य भण्डारीले बताउनुभयो । रोजगारीको लागि जापान जान चाहने विद्यार्थीहरुसँग आधारभूत जापनिज भाषाको ज्ञान भने हुनुपर्नेछ । कलेजसँगको सहमती अनुसार उक्त आईएमएसी इन्जिनियरिङ कम्पनीले भाषा सहजिकरणका लागि आफ्नै प्रतिनिधि समेत खटाउन सक्नेछ ।
अक्सफोर्डसँग भएको सहमतीलाई कार्यान्वयनकै चरणमा लैजानको लागि आगामी महिना सो कम्पनीका प्रमुख तथा प्रतिनिधिहरु नेपाल आउने तयारी रहेको भण्डारीले जानकारी दिनुभयो ।
कम्पनीसँग भएको सहमती अनुसार अक्सफोर्ड कलेजबाट उतिर्ण भएका विद्यार्थीहरुले दैनिक ८ घण्टाका दरले प्रति महिना २६ दिन काम गरेवापत रु २ लाख २० हजार रुपैँया न्यूनतम तलव प्राप्त बताईएको छ । इन्जिनियरिङ विषय सकेका नेपाली विद्यार्थीहरुले अध्ययन अनुसारको रोजगारीको अवसर प्राप्त गर्नसमेत मुश्किल परिरहेको बेला अक्सफोर्डको सम्झौताले बिद्यार्थीहरु खुशी भएका छन् ।
अक्सफोर्ड कलेजले स्नातक तहमा बिसिए, बिबिए, सीभील इन्जिनियरिङ, बीइ इलेक्ट्रेकिल एण्ड इलेक्ट्रोनीक्स र ब्याचलर अफ कम्प्युटर इन्जिनियरिङ पढाई सञ्चालन गर्दै आएको छ । विसं २०५७ सालमा स्थापना भएको कलेजले सफल नेतृत्व, चुस्त व्यवस्थापन र गुणस्तरीय शिक्षा प्रदान गर्दै आइरहेको छ । पोखरा विश्वविद्यालयले हालसम्म प्रदान गरेका १० वटा गोल्डमेडल मध्ये अक्सफोर्ड कलेजले मात्रै ८ वटा गोल्ड मेडल प्राप्त गर्न सफल भएको छ ।
