चितवन । सुनचांँदी बचत तथा सहकारी संस्था लिमिटेड , चितवन सम्मानित भएको छ । चितवन जिल्ला बचत तथा ऋण सहकारी संघ लि. चितवन(चिस्कुन)कोे २४ औँ वार्षिक साधारणसभाको अवसरमा उक्त साकोस सम्मानित भएको हो । जिल्लामा रहेका बचत तथा ऋण सहकारी मध्य नियमित मासिक रूपमा बचत संकलन गर्न सफल भएको भन्दै सम्मानित गरिएको थियो ।
बाग्मती प्रदेशका स्वास्थ्य मन्त्री उत्तम जोशी र चिस्कुनका अध्यक्ष विद्या कोइरालाले सहकारीका अध्यक्ष रुवीन रामुदामुसहित पदाधिकारीलाई प्रशंसापत्र सहित सम्मानित गर्नुभएको हो ।
सुनचांँदी साकोसले चितवनका सुनचांँदी व्यवसायीहरुको मात्र निक्षेप संकलन र ऋण प्रवाह गर्दै आएको छ ।