चितवन । उज्यालो टाईम्सद्वारा देवघाटको श्री रामजानकी बालिका आश्रम (कन्यागुरुकुलम) का आश्रितहरुलाई खाना खुवाउने तथा शैक्षिक सामाग्री वितरण गरिएको छ ।
उज्यालो टाईम्स मिडिया एण्ड एडभरटाइजिङ्ग प्रा.लि.को बार्षिक कार्यक्रमहरु मध्येको गत कार्तिक २४ गते सम्पन्न “उज्यालो तिहार–२०८०” कार्यक्रमबाट वचत रकम सदुपयोग गर्ने उद्धेश्यसहित आश्रमलाई सहयोग गरिएको हो । श्री रामजानकी बालिका आश्रम (कन्यागुरुकुलम) मा आश्रितहरुलाई खाना खुवाउने तथा स्टेशनरी वितरण कार्यक्रम गरिएको छ उज्यालो टाईम्सका अध्यक्ष राजु भट्टले जानकारी दिनुभयो ।
प्रमुख अतिथि चितवन पत्रकार महासंघ, चितवनका अध्यक्ष नारायण अधिकारीले उज्यालो टाईम्सले सामाजिक उत्तरदायित्व वहन अन्र्तगत विभिन्न कार्यक्रमहरुबाट समाजलाई सूसुजित गर्दै आईरहेको भन्दै आश्रममा आश्रित बालिकाहरुलाई केही सहयोग गरेर उदाहरणीय कार्य गरेकोमा प्रशंसा गर्नुभयो ।
त्यस्तै कार्यक्रमकी विशिष्ट अतिथि उद्योग वाणिज्य संघ चितवनकी वाणिज्यतर्फको कार्यसमिति सदस्य सुनिता लिगल कर्माचार्यले आश्रममा रहेका बालिकाहरुमा अनुशासनसँगै उनीहरुमा देखिएको संस्कारका कारण आश्रम त्यतिबेला देखिनै सबैको केन्द्रविन्दु बनेको बताउनुभयो । उहाँले आफूलाई जीवनकै एक महत्वपूर्ण कार्यक्रममा सहभागी गराएर केही बुझ्ने मौका प्रदान गरेकोमा उज्यालो टाईम्सलाई धन्यवाद समेत दिनुभयो ।
उज्यालो टाईम्सका प्रबन्ध निर्देशक राकेशमान श्रेष्ठले स्वागत मन्तव्य राख्नुभएको कार्यक्रममा आश्रमका महासचिव रामेश्वर खनालले आश्रमको विगत र वर्तमान अवस्थाको बारेमा जानकारी दिनुभएको थियो ।
कार्यक्रममा श्री रामजानकी बालिका आश्रम (कन्यागुरुकुलम्)की अध्यक्ष साबित्री टण्डन, नेपाल पत्रकार महासंघ चितवन शाखाका उपाध्यक्ष प्रकाशमणी ज्ञवाली, युवा उद्यमीहरु मोहन दनै, शंकर ज्ञवाली, लायन्स क्लव अफ नारायणगढ लालीगुराँसकी अध्यक्ष दिपिका श्रेष्ठ खड्की, उज्यालो टाईम्सका निर्देशकहरु हरि बहादुर भुजेल, कपिल सागर कर्माचार्य, महिला
उद्यमीहरु राधा शर्मा, जया पौडेल पराजुली, सञ्जु श्रेष्ठ लगायतको सहभागिता रहेको थियो ।
उज्यालो टाईम्सका निर्देशक राजकुमार श्रेष्ठले सञ्चालन गर्नुभएको कार्यक्रमलाई उज्यालो टाईम्स मिडिया एण्ड एडभरटाइजिङ्ग प्रा.लि.का अध्यक्ष राजु भट्टले धन्यवाद मन्तव्य सहित समापन गर्नुभएको थियो ।
