चितवन । दाना तथा अण्डा बिक्री वितरण गर्ने किसान दाना उद्योगको १४ औं डिपो पांँचथरको फिदिममा सञ्चालनमा आएको छ । डिपोको उद्योगका कार्यकारी निर्देशक बिनोद पोख्रेलले उद्घाटन गरेका हुन् ।

किसानको खोरमा उत्पादन भएको अण्डा सोझै उपभोक्ताको भान्सा सम्म पु¥याउने अभियान सहित उद्योगले देशभर डिपो सञ्चालन गर्दै आएको छ । खोरबाट भान्सा सम्म पुग्दा बिभिन्न चरण पार गर्नुपर्दा उपभोक्तालाई सस्तो र ताजा अण्डा पु¥याउन नसकिने भएकाले उद्योगले जिल्ला जिल्लामा आफ्नै डिपो मार्फत अण्डा पु¥याउन थालेको निर्देशक पोख्ररेलले बताए ।
‘यसअघि १३ औं बिक्रि डिपो इलाममा सञ्चालनमा ल्याईएको थियो। उनले भने, देशभर कम्तिमा ३० वटा डिपो पुर्याउने लक्ष्य छ ।’ आफ्नो उत्पादन र संकलन भएको अण्डा आफ्नै डिपो मार्फत छिटो, छरितो र सर्वसुलभ रुपमा उपभोक्ताकोमा पु¥याउन डिपो संञ्चालनमा ल्याईएको पोख्रेलले जानकारी दिए ।

पोख्रेलले उत्पादक र उपभोक्ताबीच प्रत्यक्ष रुपमा जोड्नका लागि किसान दाना उद्योगले डिपो विस्तार गरेको बताए ।
डिपो मार्फत् सस्तो र गुणस्तरीय अण्डा उपभोक्तालाई दिन सकिने उनको भनाई छ ।डिपो विस्तारबाट उत्पादक र उपभोक्ताकोबीचमा धेरै तह पार गर्नु पर्ने अवस्थाको अब अन्त्य हुने कम्पनीको दाबी छ ।

पोख्रेलका अनुसार डिपो नभएका शहरमा पनि स्थानीय डिलरमार्फत अण्डा पु¥याइँदै आएको छ । डिपो खोल्नासाथ मूल्य कम नभए पनि क्रमशः डिपोबाट बिक्री गर्ने अण्डा सस्तो र ताजा हुने उद्योगले जनाएको छ । चितवनमा रहेको किसान दाना उद्योग प्रालिले किसानले उत्पादन गरेको अण्डा उपभोक्तासम्म सिधैँ पु¥याउन सुरु गरेको हो ।
सो समूहले नवलपरासीमा दाउन्ने एग्रोफार्म प्रालिमा चार लाख लेयर्स कुखुरा पालेको छ । किसान दाना उद्योगको लगानी रहेको सो प्रालिमा दैनिक एक हजार पेटी (दुईलाख दश हजार गोटा) अण्डा उत्पादन हुँदै आएको छ । कम्पनीले ५ सय पेटी (एक लाख पाँच हजार गोटा) अण्डा दैनिक संकलन गर्ने गरेको छ ।

हाल फार्मबाट आपूर्तिकर्ता, डिलर, सहायक डिलर, साइकल र किराना पसल हुँदै उपभोक्ता कहाँ पुग्ने गरेको छ । उद्योगका निर्देशक विपिन पोखरेलका अनुसार उद्योगले काठमाडौँको नैकाप, वनस्थली, पेप्सीकोला, जोरपाटी, नक्साल, सामाखुशी, नयाँबजार, सुर्खेतको सनिहिल लाइन, इटहरी, पोखरा, सोलुखुम्बु, ओखढुंगा र इलाममा यस अघिनै बिक्री केन्द्र खोलिएको छ । ती केन्द्रमार्फत घरदैलोमा अण्डा पु¥याउने गरिन्छ । साना भ्यानले अण्डा ओसार्ने गरेको उहाँको भनाइ छ ।

नेपालमा नै सबैभन्दा बढी अण्डा संकलन गर्ने यस उद्योगले काठमाडौँसँगै नेपालगञ्ज, जनकपुर, सुर्खेत, धनगढी, इटहरी, बुटवल, जस्ता प्रमुख शहरमा अण्डा बिक्री गर्दै आएको छ । घर नजिकैको पसलसम्म उद्योगले अण्डा पु¥याउछ । यस समूहको आफ्नै लगानी र साझेदारीमा दाना उद्योग, पोल्ट्री फार्म, मल प्रशोधन केन्द्र, भेटेनरी पसल, चल्ला उत्पादन गर्ने ह्याचरी, क्रेट उद्योग लगायतका उद्योग र उत्पादनमा लगानी छ ।

पोखरेलका अनुसार अण्डा उत्पादन, संकलन, मल उत्पादन, मेस दाना (काँचो दाना) उत्पादनमा यो उद्योग नेपालको अग्रणी हो । पछिल्लो समय पोल्ट्री क्षेत्र संकटमा पर्न थालेपछि यस उद्योगका कार्यकारी निर्देशक पोख्रेलको नेतृत्वमा लेयर्स कुखुरा पालक संघ गठन गरेर अण्डाको बजारी करणको काम भईरहेको हो । कोभिड पछि नेपालमा कुखुरा पालक कृषकहरुको संख्या घट्दो क्रममा रहेको छ ।