चितवन । नेपाल लिटिल फ्लावर सोसाइटी चितवनले ‘एजुकेशन फर अल’ ( सबैका लागि शिक्षा) ‘जेरो वेष्ट फुड’( शुन्य बर्बाद खाना) अभियान सम्पन्न गरेको छ ।संस्थाका निर्देशक फादर बीबीन सिएसटी र भारतका भोलुन्टर एन्टो थोमसले एभरेष्ट बेस क्याम्प र कालापत्थर हिमालको यात्रा गरी यो अभियान शुरु गर्नुभएको हो ।

नेपालजस्तो गरिब मुलुकमा शिक्षाको पहुंँच सबैतिर पुग्नुपर्छ र खाना खेर नफालौं भन्ने सन्देशका साथ यो अभियान सहित यात्रा गरिएको फादर बिबिन सिएसटीले बताउनु भयो । ‘हाम्रो यो अभियानले शिक्षा विना देश अगाडि बढ्दैन र खाना खेर फाल्नुुहुदैन र यसको सट्टा बांँड्न सक्नुपर्छ भन्ने हो ।’ फादर बीबीनले भन्नुभयो ।

अभियानका क्रममा सन्देश लेखिएको ब्यानर लिएर नारायणगढ , टामडा हुंँदै सुर्केबाट यात्रा शुरु गरिएको थियो । उहांँहरुले एभेरेष्ट बेस क्याम्पको ५ हजार ३६४ मिटर र कालापत्थरको ५ हजार ६४४ मिटर अग्लो शिखरको यात्रा गर्नुभएको थियो । यो अभियान र यात्रा उपलब्धिमुलक र सफल भएको फादर बिबिनको भनाई छ । ‘हामीले त्यहांँ जाने पर्यटक र स्थानीय हरुसंँग हाम्रो अभियानको बारे भन्ने र बुझाउने मौका पायौं, उहांँले भन्नुभयो, उहांँहरुको प्रशंसा र प्रतिक्रियाबाट हामी र हाम्रो सोसाइटी उत्साहित छ ।’ साधारणतया एकसाता भन्दा बढी समय यो यात्रा सांँढे तीनदिनमै सफल भएको फादर बिबिनको भनाई छ । अप्रिल ४ देखि शुरु भएको यो अभियान अप्रिल ७ मा सकिएको थियो ।

आगामी बर्षमा अभियान र सन्देशका साथै दुर्गम र शिक्षाको पहुंँच नपुगेको ठाउंँमा स्कुल स्थापना गर्ने अन्य राहतका सामाग्री समेत वितरण गर्ने योजना रहेको फादर बिबिनले बताउनु भयो । हाल सोसाइटीको सक्रियतामा नारायणगढ नवलपरासीको सेहेरी लगायत देशका अन्य जिल्ला गरी लिटिल फ्लावर सोसाइटीका पांँच स्थानमा स्कुल स्थापना गरेर अध्ययन अध्यापन गराईरहेको छ ।