काठमाडौँ । बागमती प्रदेश योग खेलकुद संघको अध्यक्षमा केदारनाथ बस्ताकोटी चयन भएका छन।
मंगलबार काठमाण्डौंको त्रिपुरेश्वरस्थित राष्ट्रिय खेलकुद परिषद परिसरमा आयोजित संघको प्रथम साधारणसभा तथा अधिबेशनबाट बस्ताकोटीको नेतृत्वमा ११ सदस्यीय समिति गठन भएको हो।

संघको उपाध्यक्षमा ईला उपाध्याय,सचिवमा मनोज कुमार थापा,कोषाध्यक्षमा शंकरदेव श्रेष्ठ र सदस्यहरुमा रमा कार्की,चन्द्र सापकोटा,आकृति श्रेष्ठ,आयुष कुमार डोटेल,अमृत थोकर,जगन्नाथ दाहाल र भेषराज शाह चयन भएका छन।
बागमती प्रदेश खेलकुद संघका निबर्तमान अध्यक्ष पर्शुराम आचार्यको अध्यक्षतामा सम्पन्न कार्यक्रममा राखेप पुर्व सदस्य सचिव केशब कुमार बिष्टको प्रमुख आतिथ्यता रहेको थियो।

उद्घाटन समारोहमा बोल्दै प्रमुख अतिथि बिष्टले योगको विश्वब्यापी चर्चासंगै छिट्टै योग खेलकुदले बिश्वभर पहिचान स्थापित गर्दै मुख्य खेलहरु जस्तै चर्चित हुने बताउनु भयो ।

नेपाल योग खेलकुद संघका अध्यक्ष प्रा.डा. सुर्य बहादुर कार्की,उपाध्यक्ष डा. दिपा पाण्डे,उपाध्यक्ष डा. स्वामी केदारमान राजभण्डारी,कोषाध्यक्ष प्रेम खड्का, सचिव दिलिप कुमार बिष्ट केन्द्रिय सदस्यहरु पुष्करराज पन्त,डा.देवकी श्रेष्ठ,डा. सुशिला बिडारी,अर्चना घिमिरे ,सुदुर पश्चिम प्रदेश अध्यक्ष गिता सोडारी साथै योग,ध्यान,आरोग्य, संजाल महासचिव नवराज काफ्ले लगायत बागमती प्रदेशका बिभिन्न जिल्ला अध्यक्ष,सचिव,कोषाध्यक्ष र प्रदेश प्रतिनिधि लगायतको सहभागिता रहेको थियो।