चितवन। चितवन चेम्बर अफ कमर्स चितवनको रणनीतिक योजना गोष्ठी सम्पन्न भएको छ।
चितवन चेम्बरले आज भरतपुरमा आगामी ३ वर्ष संस्थाले गर्ने योजना सहित रणनीति तयार गरेको हो । सञ्चालक समिति, विभिन्न उपसमिति,विषयगत संयोजक, सल्लाहाकार सहित ४० जनाको सहभागिता रहेको सो कार्यक्रममा ं अस्ट्रेलियाका पूर्व राजदूत महेश दाहाल प्रमुख अतिथि एबं स्रोत व्यक्ति रहेका थिए । अध्यक्ष गोपाल भट्टराईको अध्यक्ष्यता एबं उपाध्यक्ष रूबीन रामुदामूको संयोजकत्वमा कार्यक्रम आयोजना गरिएको हो।

सोही सन्दर्भमा अहिलेको अवस्थामा उद्योगी व्यवसायीले भोग्नु परेको समस्या, आर्थिक क्षेत्रमा देखिएको चुनौती बारे साथै सरकारले प्रस्तुत गरिएको बजेटबारे चेम्बरको धारणाका विषयमा छलफल गरिएको थियो। व्यवसायीहरुबाट आएको गुनासो समस्या समाधानका लागि सरोकारवाला निकायहरुसँग छलफल गर्ने समेत निणर्य गरेको चेम्बरका सचिव अर्जुन अधिकारीले जानकारी दिए ।

चितवनमा २०७५ सालमा स्थापना भएको सो संस्थाले उद्योगी व्यवसायीहरुको हक हित,नीति निर्माण लगायत विभिन्न सचेतना,तालिम गोष्ठी लगायत कार्यक्रमहरु सञ्चालन गर्दै आएको छ।
कार्यक्रममा चितवन चेम्बरका अध्यक्ष गोपाल भट्टराई नेपाल चेम्बर अफ कमर्सको केन्द्रिय सदस्यमा निर्वाचित भएको भन्दै सम्मान गरिएको थियो। कार्यक्रममा उपाध्यक्ष सोमप्रसाद काप्री, महासचिव महेश तिवारी, कोषाध्यक्ष अनुषा पाठक, सह–कोषाध्यक्ष प्रकाश श्रेष्ठ लगायतको सहभागिता रहेको थियो।