चितवन । चितवन रोटरी क्लबबाट प्रर्बद्धित इन्टरएक्ट क्लब अफ अन्कुरम एकेडेमीको दोस्रो पदस्थापना कार्यक्रम सम्पन्न भएको छ । भरतपुरमा शनिबार एक कार्यक्रमका बीच उक्त पदस्थापन कार्यक्रम सम्पन्न भएको हो । एकेडेमीको बर्ष २०२४– २०२५ का अध्यक्ष प्रशान्त सापकोटाको अध्यक्षतामा सम्पन्न कार्यक्रममा प्रमुख अतिथि डिआइआर दिप्सन अधिकारी,बिशिष्ट अतिथि चितवन रोटरी चितवन रोटरी क्लबका अध्यक्ष रोटरीयन भानु शर्मा , अन्कुरम एकेडेमीका प्राचार्य सुमन पौडेल, रोट्रयाक्ट क्लब अफ चितवनका अध्यक्ष युगल श्रेष्ठ लगायतले सानो उमेरमै सामाजिक कार्यको भूमिकामा लाग्न आग्रह गर्नुभएको थियो ।
रोटरियन अध्यक्ष भानु शर्माले चार्टर सर्टिफिकेट प्रदान गर्दै सबैभन्दा पहिले आफ्ना घरका आमा बुबा, हजुरआमा सम्मान र सहयोग गर्नुपर्ने बताउनु भयो । उहांँले अध्ययन पश्चात समाजकै उदाहरणीय व्यक्ति बन्न सबै इन्टरएक्टहरुलाई अनुरोध गर्नुभयो ।
