चितवन । चितवनमा चाडबाड लक्षित सहुलियत मूल्य पसल आजदेखि सञ्चालनमा आएको छ ।
उपभोक्तालाई दैनिक उपभोग्य सामाग्री सहुलियत रुपले बिक्री वितरण गर्ने उद्धेश्य सिहित साल्ट ट्रेडिङ कर्पोरेशन लिमिटेड नारायणगढबाट यो सेवा शुरु गरिएको हो । पसलको उद्धघाटन जिल्ला प्रशासन कार्यालय चितवनका प्रमुख जिल्ला अधिकारी इन्द्रदेव यादवले गरे ।
उद्धघाटन पछि प्रतिक्रिया दिदै प्रजिअ यादवले बजारमा कालोबजारी तथा कृतिम अभाव रोक्न सहुलियत पसलले मदत पुरयाउने बताए । ‘बिशेषगरी सर्वसाधारणले सुलभ मुल्यमा सामाग्री प्राप्त गर्नुहुन्छ , उनले भने , यसले सर्वसाधारणलाई राहत पनि हुन्छ । कालोबजारी र कृतिम अभाव पनि रोकिन्छ ।’

उहांँले आम उपभोक्तालाई साल्ट ट्रेडिङ्गबाट किन्दा सही मुल्य हुने र मिसाबट नहुुने हुंँदा यहींबाट किन्न आग्रह गरे ।
कर्पोरेशनका नारायणगढ प्रमुख बुद्धि विनोद दाहालले चाडबाडबाट लक्षित सहुलियत पसल आजबाट सञ्चालनमा आएको जानकारी दिए । आम उपभोक्तालाई सहज र सहुलियत रुपले दैनिक उपभोग्य सामान पाउन भन्ने उद्धेश्यले अघिल्ला बर्षजस्तै यसबर्षपनि सहुलियत पसल सञ्चालनमा ल्याईएको प्रमुख दाहालले बताए । ‘चाडबाट लक्षित सहुलियत पसल आजबाट सञ्चालनमा आएको छ, उनले भने, हामीसंँग छठसम्मलाई पुग्ने सामाग्री मौज्दात छ ।’

‘ बजारमा यस्ता दैनिक उपभोग्य सामानको कृतिम अभाव र कालोबजारी नहोस भन्ने हेतुले पनि सहुलियत पसल सञ्चालनमा ल्याइएको हो । अर्कोकुरा सहुलियत मुल्यको लाभ सबैले लिन पाउन भन्नु पनि हो ।’ प्रमुख दाहालले भने ।
सहुलियत पसल बिहान १० बजेदेखि सांँझ पांँच बजेसम्म चल्नेछ । पसल दशैं अघि असोज २२ गतेसम्म सञ्चालन हुने र दशैंपछि पनि निरन्तरता हुने उनले जानकारी दिए ।दाहालका अनुसार सहुलियत पसलमा चिनी प्रतिकेजी, सय रुपैंया,आयो नुन प्रति प्याकेट २४ रुपैंया मुल्य कायम गरिएको छ भने, अन्य खाद्य सामाग्री चामल, दाल, खानेतेल,,चिउराको मुल्यमा पनि बजारभाउ भन्दा कम मुल्यमा बिक्री भईरहेको छ ।

चाडबाडको समयमा उपभोक्ता बजारमा निजी क्षेत्रको एकाधिकार हुन नदिन भन्दै सरकारले हरेक वर्ष सहुलियत मूल्य पसल सञ्चालन गर्दै आएको हो ।