चितवन । भरतपुर महानगरपालिकाका शहरी क्षेत्रमा डेंगु रोगको उच्च जोखिम भएपछि डेंगु सचेतना तथा लार्भा खोज र नष्ट अभियान तीब्र पारिएको छ ।
भरतपुर महानगरपालिकाको अत्यन्त घनाबस्ती , अस्पताल रव्यवसायिक प्रतिष्ठान हरु रहेको वडा नम्बर १०ले डेंगु रोगसम्बन्धि सचेतना तथा लार्भा खोज र नष्ट गर अभियान शुरु गरेको हो । भरतपुरका अस्पताल, चौबीस कोठी, होटल रेष्टुरेण्ट तथा टोलटोलमा गएर यो अभियान तीब्र पारेको हो ।

वडा नम्बर १० अध्यक्ष परमेश्वर खनालको नेतृत्वमा वडा सदस्य , टोल सुधार समिति , आमा समुह लगायतका सहभागितामा आज वडाको तीनवटा टोलमा उक्त अभियान सम्पन्न गरिएकाृ हो । वडाले बिहान भरतपुरको स्याउलीबजार, दुरसञ्चार रोड , चौबीसकोठीमा डेंगु सम्बन्धि सचेतना तथा लार्भा खोज र नष्ट गर अभियान सम्पन्न गरेको थियो ।
वडा अध्यक्ष खनालले डेंगुको जोखिम भएका होटल , घर, पसल लगायतका ठाउंँहरुमा गएर पानी जम्ने ठाउंँ, भांँडाकुडा, टायर तथा खाल्डोेहरुमा गएर लार्भा खोज र नष्ट गर्नुका साथै सचेत गराएको बताउनु भयो । ‘हामीले डेंगु बस्ने जोखिम र संभावित एरियामा गरेर सफा गर्ने , सचेत गरेर अभियान सम्पन्न गर्यौ, उहांँले भन्नुभयो, अन्य टोलमा पनि यस कार्यलाई निरन्तरता दिनेछौं ।’ पछिल्लो समय

भरतपुरका अस्पतालमा डेंगुका विरामी अत्यधिक बढेको भन्दै यसको न्यूनिकरण र रोकथामका लागि अभियान शुरु गरिएको खनालको भनाई थियो । वडा अध्यक्ष खनालले लापरवाही र फोहर गर्ने केही होटल, रेष्टुरेण्टका व्यवसायी घर धनीलाई पहिलोपटक सचेत गराईएको र आगामी दिनमा सरसफाई नगरेमा कारवाही समेत गरिने बताउनुु भयो ।
अभियानमा वडा सदस्य,रेशम थापा, अनिश लामा ,पार्वती नेपाली , वडाका कर्मचारी, टोल सुधारका प्रतिनिधि लगायत आमासमुहका प्रतिनिधिहरुको पनि सहभागिता थियो । भरतपुरका अन्य वडामा पनि यस्ता कार्यक्रम सञ्चालन हुंँदै आएको छ कतिपय वडाले यो अभियान शुरु गर्ने तयारीमा छन ।