भरतपुर । भरतपुर महानगरपालिका ८ मा टोल स्तरीय भेटेरान फुटबल प्रतियोगिता सुरु भएको छ ।

भरतपुर ८ खेलकुद बिकास समितिको आयोजनामा बुधवारबाट प्रतियोगिता सुरु भएको हो । प्रतियोगिताको भरतपुर महानगरपालिका प्रमुख रेनु दाहालले एक कार्यक्रमकाबीच उद्घाटन गरे ।

प्रतियोगिताको उद्घाटन खेलमा वनदेवी टोल बिकास समिति विजयी भएको छ । भरतपुर ८ को मैदानमा भएको खेलमा वनदेवीले शान्तिमार्ग टोललाई २-० गोल अन्तरले पराजित गरेको हो । प्रतियोगिताको विजेताले ४०, उपविजेताले ३० तथा तेस्रो हुनेले २० किलोको खसी प्राप्त गर्ने आयोजकले जानकारी दिएको छ ।