चितवन । १५ औं चितवन महोत्सव अन्तर्गत आज हेल्दी बेबी प्रतियोगितामा बिजेता रानामगर प्रथम भएकी छन । सहभागी २० बालबालिकालाई पछि पार्दै विजेता रानामगर प्रथम भएकी हुन् ।
प्रतियोगितामा दिव्यान्सी बिष्ट द्वितीय, अन्सुमन भुजेल तृतीय र प्रिस्का श्रेष्ठ मोस्ट हेल्दी बेबी भएका छन् । कलेज अफ मेडिकल साईन्सेस शिक्षण अस्पताल (पुरानो मेडिकल कलेज) का प्रा.डा.कल्पना मल्ल र डा. सिर्जना थापा निर्णायकको भूमिकामा थिए ।
उद्योग वाणिज्य संघ चितवनको स्वास्थ्य समितिको आयोजनामा भएको प्रतियोगितामा २० जना बालबालिका सहभागी भएको स्वास्थ्य समिति संयोजक श्रीकृष्ण लम्सालले जानकारी दिए । उद्योग वाणिज्य संघ चितवनका अध्यक्ष सुमन श्रेष्ठको अध्यक्षतामा भएको कार्यक्रममा बरिष्ठ उपाध्यक्ष चिरञ्जीवि सुवेदी, निवर्तमान अध्यक्ष चुननारायण श्रेष्ठ, उपाध्यक्ष राजेन्द्र ओली, प्रबन्धक निलबहादुर केसी, सिएमएसका निर्देशक प्रा.डा.मनोहर प्रधान लगायतको सहभागिता थियो ।

प्रतियोगिताका बिजेतालाई पुरस्कार तथा प्रमाणपत्र प्रदान गरिएको थियो । पुरानो मेडिकल कलेजले कार्यक्रमलाई सफल बनाउन महत्वपूर्ण भूमिका खेलेको लम्सालले बताए । पुरस्कार सौजन्य बेबी ल्यान्ड चितवनका संचालक बिजय घिमिरेले गरेका थिए भने कार्यक्रम सचालन श्रीकृष्ण लम्साल ले गरेका थिए ।